نشر الفنان محمد عبد العزيز، اين الفنان الراحل محمود عبد العزيز، عبر حسابه على "إنستغرام"، صورة جمعته ووالده بالأبيض والأسود.

ووجه من خلالها إليه رسالة مؤثرة لمناسبة حلول شهر رمضان وكتب: "كل سنة وحضرتك طيب وبخير يا أبويا وصاحبي وأخويا وكل ما ليا. أتمنى تكون هدايايا بتوصل لحضرتك، وأتمنى إني أكون مشرفك وربنا يقدرني وأفضل مشرف حضرتك لحد ما ربنا سبحانه وتعالى يجمعنا ببعض على خير".

وتابع: "وزي السنة اللي فاتت وطول ما أنا لسه على وش الأرض، عايز أهدي لحضرتك كل حاجة بعملها سواء إنتاج أو تمثيل أو أي حاجه كويسة بعملها وتبسطك، أو أي خير بعمله زي ما علمتني، وبرضه بهدى لحضرتك صيامي وكل ركعة وكل حرف هقرأه من المصحف الشريف، ربنا يتقبل مني ويقدرني وأبقى ربعك في أي حاجة".

وأضاف: "رمضان كريم، كل سنة وحضراتكم جميعا ً بألف صحة وسلامة وخير وربنا يريح قلوبكم ويفرحها ويشفي كل مريض ويرجع كل بعيد ويصبر أي واحد موجوع، ويهون علينا جميعا بحق الشهر الفضيل، أسألكم الفاتحة والدعاء لأبويا ولكل من رحلوا عنا".

وتفاعل مع الرسالة والصورة عدد كبير جداً من المتابعين وحصلتا على أكثر من 8 آلاف علامة إعجاب في ساعات قليلة.