بالصورة –بسبب شكلها ممثلة مصرية تتحدى... "مليون طوز في الي مش عاجبه"

نشرت الممثلة المصرية إنجي وجدان، عبر حسابها على "إنستغرام"، صورة حديثة لها بدت فيها وقد خسرت الكثير من وزنها.

وتوجهت من خلالها إلى النساء بنصيحة تدعوهن إلى الثقة بأنفسهن وعدم الاهتمام كثيراً بأحكام الآخرين.

وأرفقت الصورة بالتعليق: "الموضوع عمره ماكان الجسم ولا الشكل. المشكلة في المجتمع الي بيخليه يقرر إحنا المفروض نلبس إيه أو نعمل إيه".

وأضافت: "المجتمع هو الي بيخليكي تفتكري إن شكلك وحش أو إك متقدريش تلبسي حاجات كتير زي الألوان الفاتحة. أنا بقولك البسي الي انت عايزاه. عيشي حياتك. مش طبيعي تعيشي حياتك كلها مضايقة من نفسك. حبي نفسك وانطلقي".

وختمت: "محدش من حقه يقولك اعملي إيه أو متعمليش إيه.عيشي الحياة. الحياة مش هتيجي غير مرة واحدة. حبي نفسك حبي نفسك حبي نفسك. ومليون طوز في الي مش عاجبه".

ويشار إلى أنّ إنجي خسرت الكثير من وزنها الزائد الذي اكتسبته خلال مرحلة حملها. وقد أعلنت ذلك في وقت سابق من خلال حسابها على "إنستغرام" حيث كتبت: "خسيت كتير بس مش علشان حد علشان نفسي بس. و ده مش معناه إني مكنتش حابة نفسي العكس أنا كنت حابة نفسي لأن وزني ده كان بسببإني خلفت أحلى اسماعيل في الدنيا".

وأضافت: "عايزة أقول لكل بنت تخنت في الحمل إنت جميلة وعملتي أحلى حاجة ممكن أي واحدة تعملها إنها تحمل و تكون جواها طفل جميل. ملكيش دعوة برأي الناس خليك حاسة بكل حاجة حلوة... لو هتخسي اعملي كده لنفسك وصحتك مش علشان جوزك ولا طنط الي شافتك. اتبسطي و حبي الحياة هتعيشي مبسوطة سواء تخنتي و لا خسيتي".