نجم مصري يوضح ما حصل مع شيرين ويكشف خطأها

رغم توقف التعاون الفني بين شيرين عبد الوهاب والشاعر بهاء الدين محمد، إلا أنه لم يتردد في الكشف عن رأيه بالأزمة التي تعرضت لها مؤخرًا بسبب قولها بحفلتها بالبحرين: "اللي بيتكلم في مصر بيتسجن".

وكتب بهاء الدين من خلال حسابه على فايسبوك: "أنا عارف طريقة وتفكير شيرين وواثق إنها ما كنتش تقصد بالسجن سياسة خالص.. أكبر دليل على إنها لا تملك خبرة التوصيل أو التوضيح إنها مش عارفه لحد النهارده تقول اللي باقوله ده ...وأقسم بالله إننا لا اتكلمنا ولا شوفنا بعض من سنين ".

وأضاف: "يا شيرين اسكتي وغنى بس ...ده أنا اللي الحمد لله أملك أدوات الكلام بكل تمكن مانع نفسى بل رافض تماما أي حوار في أي جهة إعلامية رفض تام لأن دوري أكتب فقط وكلامي هو أنا، وغلط الفنان يتكلم أصلا غير بحساب. معلش بنت بلدنا وصوت من الأصوات الحلوة اللي بتملكها مصر وما عندناش كتير بلاش نهدها. وكلنا لينا ناس قريبين مننا لما بيجوا يتكلموا بيبوظوا الدنيا وإحنا قلوب طيبة وجوانا رحمة".

وتابع: "ملحوظة هامة : كلامي مش دفاع ولكن توضيح وماليش أي مصلحة معاها كمطربة لأني خدت مصلحتي ونجحت مع الكل الحمد لله ومعروف عنى لا بتقرب لحد ولابجامل حد ولكن العكس هو الصحيح ... وشكرا".

شارك