كشفت الممثلة السورية روبين عيسى عن تعرضها لحادث أليم خلال تواجدها في سوريا لتصوير عمل فني جديد، فكتبت من خلال حسابها على "فيسبوك": "احذروا اول مبارح بعد انتهائي من التصوير وخروجي من اللوكيشن تعرضت لعملية سرقة من قبل (عصابة) عالموتورات بطريقة بشعة ومؤذية وغير مفهومة بمنطقة راقية بوسط دمشق ويفترض انها من اكتر المناطق الآمنة ( دخلة نادي الشرق _ مواجه الفورسيزن ) ومعي حدا مرافقني من الانتاج ماشي معي لوصل عالسيارة والشارع فيه ناس ومليان كاميرات (اللي اكتشفت الشرطة بعدين انه ماكانت شغالة بسبب انقطاع الكهربا ؟؟!!!)".

وأضافت: "طبعا (العصابة) ماشيين بسرعة جنونية وبعكس السير ..نشكر الله سرقوا حقيبتي بما فيها كله بيتعوض .. واللي عرفتو بعدين انه هذه الحوادث تتكرر وابشع منها بطرق مختلفة بهذه الفترة..بتمنى من الجميع الحذر والانتباه".

وتابعت: "حوادث السرقة والخطف عم تصير بكل سلاسة وثقة وقلة ضمير .. فوضى، شكرا لكل الناس الطيبة اللي وقفت معي واتصرفت وماتركوني وانا بحالة الدهشة والصدمة والخوف وشكراا لكل اللي اتصلو وسألوا واطمنو شكرا".

واختتمت حديثها: "الرجاء الرجاء الحذر والانتباه بهاد الوقت اللي قلت فيه الأخلاق والضمير".