نجل فنان شهير يهاجم أمير كرارة: "أبويا طيب وربنا هيعوض"!

لم يتردد أكرم، نجل الفنان محمود البزاوي في شنّ هجوم حاد على النجم أمير كرارة وصناع فيلم "كازابلانكا" بعد تجاهل وضع صورة والده على الأفيش الخاص بهذا العمل .

وكتب من خلال حسابه على فيسبوك :"مبدئيًا ابويا ماعندوش اي فكرة عن البوست ده انا ابويا طيب ويمكن طيبته دي هي اللي كانت سبب في تأخير نجاحه وانه كتب من الباطن كتير مثلا زي ما قولت قبل كده وكان دايما بيعمل حاجات وتنجح ومفيش حد يعرف أنه له دور في نجاح العمل ده بس اللي كان بيصبره ان ربنا هيعوض" .

وأضاف: " بعد ما قدر يوصل بدراعه للي هو فيه لسه في ناس مش مقتنعه بي .. بس ده حقهم لان مفيش حد عليه إجماع بس طالما مش مقتنع بحد يبقى ما تحرجوش و ابعد عنه احسن لانه في نظرك مش الشخص اللي يفيد" .

وتابع: "في رأيي الشخصي ناس كتير بتعرف تتصور بس مش الكل بيعرف يمثل .. واسف لو كنت منحاز اوي في كلامي لابويا بس زي ما قولت ده ابويا اللي نجاحه بيسعدني اكتر ما بيسعدني نجاحي" .

واختتم : "ابويا قالي انه عامل دور مهم في الفيلم ده.. ويمكن بيكدب عليا وطالع كومبارس .. ساعتها ها تأسف على البوست".