بالصور - سما المصري تلطخ يديها بالدماء وتهدد منتقدي تقديمها للأدعية الدينية: "هاسيح دمه"!

قوبلت الفنانة الاستعراضية سما المصري بهجوم حاد من بعض الجمهور ورواد مواقع التواصل الاجتماعي بعد إعلانها أنها ستقدم أدعية دينية في رمضان.

وردت سما على منتقديها بنشر صورة وهي تقف ويديها ملطخة بالدماء وعلقت عليها: "اللي هيقف في سكتي وانا داخله اعمل ادعيه رمضان هاسيح دمه...انا قلت اهو....كل واحد يخليه في كوزه لما نعوزه".

View this post on Instagram

A post shared by سما المصري (@samaelmasrii) on Apr 8, 2019 at 5:00am PDT

وكانت قد كتبت في وقت سابق رسالة على حسابها بإنستغرام قالت فيها: "الناس اللي زعلانة وبتحزق أوي في نفسها عشان هاعمل أدعية دينية في رمضان، وبتقول إني منافقة وإزاي هاطلع بأدعية وفي نفس الوقت باطلع بالبرجين، أحب أقولكم إني فعلاً هاعيش حياتي عادي ببرجين أو أي حاجة أنا عايزه أعملها وفي نفس الوقت هاعمل أدعية زي ما أنا عايزة واللي أخد صك احتكار الدين له يطلع يوريهولي..."

View this post on Instagram

A post shared by سما المصري (@samaelmasrii) on Apr 7, 2019 at 7:34am PDT

وأضافت: "أنا أبقي منافقة صحيح لو طلعت بوجه قدام الناس وبوجه آخر من وراهم، لكن أنا واضحة وصريحة وباطلع بكل وجه يخطر علي بالي قدام الناس، مش عاملة شيخة قدام الناس ومن وراهم خرباها... لا أنا ياعم إنت وهو خارباها قدامكم ومن وراكم ولا تزعلوا.... كل واحد بأه يخليه ف نفسه وربنا اللي هيحاسبني مش حضراتكم... بس خلاص.... واللي أنا عايزاه هعمله واللي يعمل زينا نقوله ياعمنا".