| (اللوحة الأولى) من عهد وقت الصحابه لين عهـد المملكه
وانتي ياالخيل الأصايل كنتي رمـز المعركه
إسألوا التاريخ عنها ايش سـوّت بالحروب
عِـزّة الفرسان منها وافتحت كـل الدروب ***** (اللوحة الثانية) مـن قديم الزمن ياالخيل وانتي عـز ...
والقلـوب اللي تشوفك من غلاك تفز ...
في نواصيك انعقـد ياالخيل كل الخير ...
مـن مهابة خطوتك والارض بك تهتز ... ***** بشّر ..!! عسى عندكم خيل
ابشّـرك .. زود ببـلادي
هي والنخل والكرم والهيل
مـا نتركـه والله البـادي
هـذي لهـا عندنا تبجيـل
مثـله مثـل كل الاجـوادي ***** معها وبها جميع شيٍ تمنّاه
ومنها ولها مجدٍ قديمٍ كساها
بعيدها أقرب من مولّع اللاماه
وقريبها أبعد من عيون لمداها
الخيل كنز المجد والعز والجاه
بوجودها سمّوها من غلاها ***** (اللوحة الثالثة) انا اللي قادها شيخنا ما تذكـروني
انا اللي شافـت فتح نجـد بعيوني
انا اللي لاعزم بهـا .. لزّي ياعبّيه
مـا خْلَفتْ أمرٍلّه ولا كلـّت متـوني ***** والى انتخوا فابن فيصل قمت اتباهى
وطعـوني طابت مـن ورودٍ تلاها
كبّـر .. وردّدنـا معـه الله اكبـر
وصهيـل صـوتي، الجزيره مداها ***** لزّيتبـي يابوتركي يـوم نصـرك
الله يعّطـر روحـك وروض قبـرك
عـزيتني وعيـالك بعـدك وفوولي
واليـوم مـع خالد أنا حالي يسرّك ***** | (اللوحة الرابعة) اعشق الصحرا وليلي يعشقك
بس عشقي مختلف معاك انتي
من يـلوم اللي بقلبه منزلك
في عيوني ياهـوايا حيل زنتي
شكّلك .. سبحانه اللي شكّلك
ولو يخونك فارسك مايوم خنتي
كرّمك بالزيـن ربّـي كرّمك
مهرتي واهيم بك من يوم كنتي
وش يجي كل الجمال بطلّتك
الله يعين القلوب اللي سكنتـي
من صغر وانا أحبك واحفظك
ماحدٍ هانك ولا في يـوم هنتي ***** مـن منيفـه للصـويتيـّه
ياكـلام المـدح وش باقـي
هذي كحيله والصقـلاويـة
بالقلـوب تزيـد الاشواقـي
مستهيم الوصـف بعبّيـه
مستـديـم بحمـد خلاّقـي
هي تـروح ولكـن بجيّـه
كـل مـا غـارت بخفّـاقي
بخـو نـوره طيـّب النّيـه
صبـح عيد وزاده إشراقـي
مـن طلـع وآمالنـا حيّه
شيخنـا لوهو رحـل باقـي ***** (اللوحة الخامسة) قالـوا ان الخيـل مـن خيالها؟!
ونسلـها طبـعاً ونسـل عيالها
مـاحدٍ يعسفـها بـالساهل أكيد
وانت ياخـالد تـرى خيـالـها
انتـي حـبٍ للكبيـر و للصغير
ونجد تشهدلك وتشهدلك عسيـر
موطنك اللي انتي عشتي به كثير
والخالـدية مجمـعٍ لرجـالـها ***** (اللوحة السادسة) للخيـل عبدالله وللخيل سلطـان
ونايف لـها لا صار شيٍ علينا
الكل منهـم بالفعـايل كحيـلان
من فعلهـم يم الكواكب رقينـا
قاد الوطن مليكنا سيف وإحسان
واستبشرت سمو الأمجـاد فينا
وولي عهده غيث عـزٍ وهتـان
وبعذرنـا .. لو بالثّنين إقتدينا
وخالد سليل المجد يقود فرسان
واقرب مثل جنوبنا اللي حمينا
ورجالنا اللي بالوغى حيل شجعان
بااطهر ثرى بالكون حّنا سمينا
صقور الجزيرة شانهم بالفعل شان
عيدٍ لمن ينخى وللي يجينـا
ومنهو نوى في غدرنا صار بلشان
يقول توبـه ربـي لا تبتلينـا
يادارنا نرخص لك أفعال وابدان
نفـديك يا ثالـث غـلا وآلدينا
الله يديـم أمنه وامانه والايمان
على وطن بالعز فيه إنتمينـا ***** |
كلمات: فيصل بن خالد بن سلطان
ألحان: سهــــم
توزيع: خالد عز
أداء: محمد عبده - عبدالمجيد عبدالله - رابح صقر - راشد الفارس - أصاله - عباس ابراهيم
