مطرب مصري يستغيث برجال الشرطة ويعترف: كنت على وشك إرتكاب جريمة!

وجه الفنان دياب رسالة استغاثة لضباط الشرطة، حيث كتب عبر حسابه بموقع فايسبوك: "السلام عليكم ورحمة الله وبركاته أتمنى هذا البوست يصل لكل أخواتنا وأصحابنا ضباط الشرطة المحترمين المخلصين فى كل ربوع مصر.. أرجوكم لابد من وضع حد للمهزلة اللي اسمها التسول في الشوارع، خصوصا من العيال اللي زي البهايم اللي بيتسببوا في رعب وفزع أخواتنا وبناتنا في الشوارع.

وأضاف: "انهارده كنت على وشك ارتكاب جريمة بسبب عيل منهم، المجرمين دول ولا يوصفوا بغير ذلك، الواد ماشي ورا بنت عايز يشحت منها بالعافية والبنت مرعوبة الكلام ده في شارع لبنان المهندسين مقدرتش امسك نفسي من المنظر نزلت من العربية كنت هضربه بس الحمد لله مسكت نفسي عشان للأسف لو كنت ضربته أو عملتله حاجة كانوا هيقولوا بص الفنان بيفتري على عيل غلبان وهو لا غلبان ولا نيلة.. والبنت تقريبا كانت بتبكي من الخوف، وده شارع زحمة جداً، ومافيش ولا حد لفت نظرة القرف اللي بيحصل ده طبعا البنت مشيت جري يا حرام وده كان هدفي انقاذها من الرعب ده".

وتابع: "حسيت أختي أو بنتي أو مراتي في موقف زي ده دمي اتحرق.. أرجوكم يا رجال الشرطة انقذوا بناتنا من هذا الإجرام".

دياب يشارك في دراما رمضان 2019 بمسلسل "أبو جبل" مع مصطفى شعبان وحسن حسني ونجلاء بدر، وعائشة بن أحمد.