هجوم على محمد صلاح بسبب قضية تحرش.. ما علاقة نيللي كريم؟

في مفاجأة غير متوقعة أعلن السيناريست محمد دياب عن حماسه الشديد لتقديم جزء ثاني من فيلم 678 والذي تناول الجزء الأول منه ظاهرة التحرش.

واوضح أن الجزء الجديد سوف ينتقد لاعب كرة القدم عمرو وردة والذي اتهم مؤخرًا بالتحرش بأكثر من فتاة، مُعبرًا عن رفضه الشديد لدعوات مسامحته وقبول إعتذاره إلا أنه لم يوضح إذا كانت نيللي كريم بطلة الجزء الأول سوف تقوم ببطولة الجزء الثاني أم لا .

وكتب من خلال حسابه على فايسبوك: "الناس الكتير اللي محبطه من اللي حصل في موضوع وردة، لسه عندنا كتير نقدر نعمله. من أول مقاطعة المنتخب، لغاية أننا نروح الاستاد ونشجع ضدهم".

وأضاف: "لو في مصر وردة يقدر يهرب من العقاب في اليونان اللي بيلعب فيها وانجلترا -اللي بيلعب فيها اللاعيبه اللي أيدوه- بلاد مبتتسامحش في التحرش. في أوروبا القصة بتفاصيلها الواضحة لما تتعرف بقوه السوشيال ميديا، مية في المية هتأثر في كاريرهم و هتشوفوا وردة فريقه بيسرحه".

وتابع: "كل البنات عاهرات زيك ...هذه جملة من حديث وردة في الشات، تفهمك بيفكر ازاي. من خبرتي المتواضعه في موضوع التحرش عشان الفيلم اللي عملته وقضيت فيه ٣ سنين بحاول أفهم المتحرش بيفكر ازاي، فوردة متحرش محتاج علاج نفسي وإعادة تأهيل بس بسبب أن الموضوع اتحل بسهوله فهو مش هيسعي للعلاج ومؤكد هيرجع يعمل مصيبه، حتى لو اتجوز فممكن يضرب مراته مثلاً".

واختتم حديثه :" شخصياً قررت أنا الموضوع ده هيبقي ٦٧٨ الجزء التاني، عشان لما صلاح و المحمدي يلاقوا اسمهم في كل مهرجانات العالم و جرايد العالم الفنية مربوط بأنهم ايدوا متحرش يبقوا يعرفوا إن الله حق، وكل شخص مشهور هيفكر يشاركنا أفكاره الرجعية المدمرة يفكر ألف مرة".