استغلت المطربة أمينة وجودها في المملكة العربية السعودية التي سافرت إليها لتحيي بعض الحفلات هناك في أول لقاء لها مع جمهورها السعودي، فتوجهت لأداء مناسك العمرة، ونشرت فيديو لها من الحرم المكي لتوجه فيه رسالة إلى الإعلامية ريهام سعيد.

وقالت أمينة إنها حرصت على الدعاء لريهام سعيد لتمر أزمتها الصحية بخير وسلام داعية الله أن تعود إلى جمهورها سريعاً.

وعلقت على الفيديو بقولها: "الشفا من عندك ياااارب ربنا هيجبر بخاطرك بإذن الله تعالى وترجعي زي الفل لكل اللي بيحبوكي وبالنسبة للناس اللي بتنتقد وعاملين شيوخ انتو مش قاضي وجلاد انتو مش رب العالمين وعموما المناسك دي بينا وبينه بس وبعد كده هنعملها بينا وبينه مش لازم نقولكم والكلام ده للنفوس المريضة اللي عايزة بجد تتعالج، #السوشيال ميديا للشغل بس... فعلوا الهاشتاج لأن الموضوع أفور أوى وكل اللى عايز ولا عايزة تبين أدام الناس إنه واااو وإنه بيغلط فى الفنان أحب أقوله اكشف وشك خلينى أعرفك عشان أعرف أرد عليك أو عليكى صح مش ممكن يعنى هفضل أرد على أشباح".

جدير بالذكر أن ريهام سعيد تمر بأزمة صحية، استدعت خضوعها لعملية جراحية دقيقة، وذلك جراء إصابتها ببكتريا في الوجه، يتخوف الأطباء من وصولها للمخ، لصعوبة السيطرة عليها مما قد يؤدي إلى الوفاة.