نجمة لبنانية عن معجبات بوراك أوزجيفيت: "من دون تربية وسخيفات"

انتقدت الفنانة اللبنانية آلين لحود حالة الهستيريا التي سادت استقبال المعجبين بالصراخ والتدافع والبكاء وحلالت الإغماء، النجم التركي بوراك أوزجيفيت خلال زيارته الأخيرة إلى العاصمة اللبنانية بيروت من أجل افتتاح أحد محلات الألبسة.

وقالت في منشور عبر حساباتها على مواقع التواصل الإجتماعي: "غط ع قلبك تسلميلي؟؟ كرمال بوراك؟؟؟ و آكلي تاكلك انت واللي نمى فيكي ثقافة المسلسلات التركية.. شعب اهبل.. ديكتاتور واكتر بدكن لتتربو و تسيرو عالم.. مراهقات سخيفين و بلي بالمربى.. فالنعم من هيك اهل بربو هيك اصناف من اشباه البشر".

وانتقد عدد من النجوم اللبنانيين مجرى الأمور خلال زيارة النجم التركي، فكتب الممثل رودريغ سليمان في حسابه على موقع "فيسبوك": "سيناريو من نسج الخيال: مرحبا.. بدّي افتتح محل وجاي ممثل اجنبي عيب ما نكرّمو، فيك تأمنلي ٢٠٠ شبّ وصبيّة ٢٠ دولار عالشخص لحتى بس يطلّ بيبلشو يصرخو ويصورو ويدفشو بعض؟ هيك العالم اللي موجودين بفكرو في شي وبيزيد العدد ومنكون هيك عملنا من قيمة الأجانب".

وختم قائلاً: "مجرّد فكرة لا تمت الى الواقع بصلة، بس فكّروا فيها".

ونشر الممثل يوسف حداد صورة ترصد اندفاع الجمهور نحو اوزجفيت، معلقاً تحت عنوان "الصورة اللي بتفضح": "مش غيرة ولا حسد بس حسرة وعتب على هالشعب الراكض يستقبل بوراك الممثل بالصريخ والدموع والهتاف ومستعد ينطر ساعات وايام ليلقي نظرة على البطل التركي،وناسي الفقر والتعتير والزبالة والضرايب والطرقات والعتمة والمي والسارقين وميات المليارت دين والفاسدين والطائفيين والاذلال اللي عايشو تا يتسجل بجامعة الوطن وتا يفوت على وظيفة بلا واسطة...".

مقالات ذات صلة

بوراك أوزجيفيت يضع حداً للشائعات التي تطاول حياته الشخصية

دانييلا رحمة ومحمد الأحمد يجتمعان من جديد في "فرانكلين" على "نتفليكس"

بوراك أوزجيفيت الين لحود يوسف حداد رودريغ سليمان