فنانة مصرية تصدم الجميع بطلاقها من زوجها المخرج بعد 13 عاماً وفضائح بالجملة

كشفت الفنانة المصرية صفاء مغربي انفصالها عن زوجها المخرج يوسف شرف الدين من خلال تعليق نشرته على حسابها على "فيسبوك".

وكتبت: "طلبت الطلاق في الخاص طلقني في العام أمام كل الناس. أهو البوست يشهد عشرة 13سنة اللي شيلته فوق راسي ورب السماوات والأرض يا يوسف اللي كنت ببكي له ليل نهار عشان يشفيك ندمت إن شوفتك في حياتي أبو ولادي. ظلمني وهددني وطلقني في الغربه وأنا مركبة جهاز يسجل للقلب وتعبانة".

وأضافت: "الحمدلله وأنا لوحدي عشان بطلب أولاده اللي كلهم أكبر مني وأهله اللي شتموني يعتذروا ويوعدوني ميكرروش ده وهو اللي عودني أكون كده معاهم لما طردوه في كندا وأنا في مصر لما عرفوا مش معاه فلوس وجيت أنقذته وعاش معايا 3 سنين هنا في كندا أشتغل وأدرس".

وتابعت في منشور آخر: "يارب يارب يارب أنا وحيدة آنسني في غربتي، صاحبني، كن لي ملجأ من خوفي. يارب مش عارفةأنام باخد منوم وبصحى مفزوعة ونبضات قلب سريعة ووجع في صدري. يارب اشفيني شهر بعاني يارب خدلي حقي من كل حد ظلمني قهرني. يارب انت حسبي ووكيلي ادعولي يارب انسى المحنة دي بسرعة وتعدي يارب يارب يارب".

كما نشرت نصوص محادثات بينها وبين طليقها وعلقت: "أنا كرهت طيبتي وحنيني الشديده ليك يوسف انت اللي اخترت سبتني وحيدة أنا وطفلين كلهم براءة في غربة ورحت للأشرار هيهتموا بيك شوية صغيرين وهيرموك تاني وأنا دلوقتي بعترف حزينة ولكن في ربنا بسجدله قادر يحميني منكم قادر يغير حالي لفوق وينزلكم سابع أرض. نيمتوني سنين ببكي حزينة".