فتاة تتهم حماة محمد حماقي بإهانتها وسب أسرتها

شنّت فتاة تدعى زينة محسن هجوماً حاداً على زوجة محمد حماقي ووالدتها، وإتهمت الأخيرة بسبها وسب عائلتها والتطاول عليها.

وكتبت في حسابها على "فايسبوك": "إمبارح حصل معايا موقف غريب كنا رايحين أنا وأهلي أحد الشواطئ وكان معايا واحد من صحابي مالك من القرية وقاعدين على البحر واضطر هو يروح يعمل حاجات، في الوقت ده لقينا ( محمد حماقي وزوجته ) قاعدين جنبنا وبعد شوية مشيوا الموقف كان عادي لحد دلوقتي".

وأضافت: "بعد كدة مرة وحدة لقينا راجل أمن ومعاه اتنين أو تلاتة بيطلبوا منا نسيب الشمسية مع العلم إن كنا قاعدين تحت شمسية الزوار وفجأة لقينا ست كبيرة جاية من بيتها ما كانتش قاعدة على الbeach وبتتكلم معانا بطريقة غير لائقة وبتقلنا ما ينفعش تقعدوا هنا وبتسألنا انتو تبع مين مع العلم انه احنا اديناها اسم owner ورقم الفيلا وقعدت تقول انها من مجلس الإدارة وبتقدر تمشي الزوار تبع الفلل وتقول انه كل الناس اللي قاعدة على البيتش زي سيدي بشر وحصل تفاصيل كتير تطاول وسب وحتى بعد ما تكلمت مع المالك ما فكرتش تيجي تعتذر ومشيت على طول على بيتها وفي الآخر بنكتشف انها حماة محمد حماقي ( فاطمة درة ) كانت عاوزة تفضي له البيتش مع العلم انه المكان اللي كنا فيه كان فاضي".

وتابعت: "ملخص الكلام إنه مش من الطبيعي عشان في ناس قاعدة جنب مغني إن مراته يكون لها الحق تكلم مامتها عشان تيجي مخصوص ليا أنا وعائلتى تتكلم معانا عشان نمشي وده عيب اوي ومش من الذوق والاحترام . طريقة تعامل الفنانين مع الناس مرفوضة مع العلم انه الناس هي اللي خلتهم فنانين وعملتلهم قيمة".

واختتمت المنشور قائلة: "كدة كتير تلطيش من حماقي وعسيلي".