نجم مصري شهير يرد على أحد متابعيه: بدل الهري قول إنك مبتحبنيش

نشر الفنان أحمد زاهر، عبر حسابه الشخصي على "إنستغرام"، مجموعة صور من كواليس مسلسل "ولد الغلابة"، الذي لعب فيه دور المحامي ‏"جمال لبة".‏

وتلقى زاهر عدداً من الإشادات على أدائه للشخصية، إلا أنه تلقى تعليقًا يحمل انتقادًا للدور، من أحد متابعيه، الذي قال له: "أوفر ‏أوي، مش كل مرة تسلم الجرة يا أحمد، ده كان دور زي الزفت".‏

ورد أحمد زاهر على تعليق المتابع قائلًا: "بص حضرتك هو طبعا رأيك يحترم وعلي راسي كمان، بس اسمحلي أنا مندهش أنت أول ‏كومنت أقرأه بيقول رأيك ده، كل الناس عكس كلامك نهائي، والناس دي بالملايين مش رقم قليل، بس برضه أنت حر في رأيك بس ‏بمقارنة رأيك قصاد ملايين بيتهيألي ساعتها هايبقي رأيك مش مسموع ومش متشاف وملوش وجود أصلا".‏

وتابع: "فبدل الهري ده كله قولي أنا مبحبكش ودي برضه حرية شخصية، ولا تزعلني أصلاً وبعدين لو مبتحبنيش ليه ‏داخل صفحتي؟ لا وبتعلق لا وتعليق سخيف طب ليه بتعذب نفسك، لما تلاقي صورتي قلب علي طول أحسن ما تسخف على الناس ‏دي".‏