زار الفنان أحمد فهمي، ضحايا انفجار معهد الأورام، الذي وقع فجر الاثنين الماضي، وسقط جراءه عدد من ‏الضحايا ما بين قتلى ومصابين.‏

ونشر أحمد فهمي، عبر حسابه الشخصي على "إنستغرام"، صورة من زيارته لأحد ضحايا الانفجار، بمستشفى قصر العيني، وعلق عليها ‏موجهًا رسالة للجمهور: "آسف مبدئياً على الصورة، بس أنا النهاردة كنت في القصر العيني بزور بعض ضحايا الانفجار، بشكر كل ‏الناس اللي اتبرعت لمعهد الأورام بداية من محمد صلاح لحد أصغر واحد اتبرع".‏

وتابع فهمي: "لكن فى حاجة كمان حابب أوضحها، فى ناس تانية كمان محتاجة مساعدة من ضحايا الانفجار، غير المصابين بالسرطان ‏زى الحالة اللي في الصورة، الولد دا محتاج دكتور مخ وأعصاب ومحتاج دكتور عيون، لأنه فقد عين بس ممكن تتلحق غير الحروق ‏اللي أصيب بيها وللأسف مفيش إمكانيات، فلازم ناخد بالنا إن في ناس تانية كمان اتأذت ومحتاجة".‏

واختتم أحمد فهمي رسالته قائلًا: "لو كل واحد فينا اتبنى حالة من ضحايا الانفجار، سواء من المصابين بسرطان أو زى الطفل دا، أو ‏حتى كل مجموعة اتبنت حالة، هنساعد ناس بجد محتاجة، الموضوع كبير يا جماعة ولازم نتحرك وكل واحد باللي يقدر عليه، ‏شكرا". ‏