فنانة سورية تشيد بتحمل سيدات مصر نكد الرجال!

أشادت الفنانة السورية سارة نخلة بسيدات مصر لتمكنهن من الحفاظ على استقرار حياتهن العائلية رغم الضغوط الكثيرة التي يتعرضن لها.

وكتبت سارة من خلال حسابها على "فيسبوك": "أقسم بالله، والله على ما أقول شهيد، ومن دون أي مجاملات، و بعد 9 سنين في مصر، ومش عشان أنا بحمل الجنسية المصرية لا أبدا وحيات ربنا، الست المصرية يتعملها تمثال أقسم بالله، الست المصرية هي أساس البيت، ولولا صبرها واستحمالها ولا كان في بيوت اتعمرت، ولا في مراكب مشيت".

وأضافت: "الستات دي شايلة مسؤولية جبال ما تقدرش عليها، لازم نحييهم ويتعملهم عيد مخصوص عيد الست المصرية، شغل برا البيت وجوا البيت، وبتشارك في مصروف البيت، وعيالها متفوقين، أنا بشوف ستات بقول يا رب أبقى عندي الإرادة دي، والقدرة على استحمال نكد الرجالة، إنتم ازاي كدا، الله أكبر عليكم، الستات دول شرفنا ولازم الرجالة كلهم يحترموهم ويقدروهم، دي مامتك ومراتك وأختك وبنتك".