بعد مرور نحو شهرين على وفاة الفنان الكبير فاروق الفيشاوي، لا تزال ندى الكامل، زوجة ابنه الفنان أحمد الفيشاوي تتذكره في كل مناسبة تمر عليها، حيث أعادت مؤخراً نشر منشور لأحد المعجبين بالفنان الراحل، وذلك عبر حسابها الشخصي على فايسبوك، تعبيراً عن حبها وافتخارها به وبصفاته الحسنة.

وكان المنشور يتحدث عن موقف للنجم الراحب في عزاء الفنان الراحل ممدوح عبد العليم، حيث قام بحماية أحد الأشخاص البسطاء بعدما حاول رجال الأمن إبعاده عن العزاء حتى لا يجالس الصفوة، ليحظى هذا الموقف على اهتمام ندى الكامل، التي علقت على الصورة قائلة: "حبيبي الشجاع".

وكان هذا الشخص الذي نشر المنشور في الأساس قد حكى ما حدث في العزاء قائلاً: "أنا آسف على الدقيقة اللي فكرت فيها بالشكل ده .. لما فاروق الفيشاوي مات .. مكنتش مركز أوي في الخبر ساعة ما نشروه، يومها بالليل قبل ما أنام أول ما فتحت الفيسبوك لقيت الخبر تاني في وشي ..

فكرت دقيقة واحدة! والله دقيقة .. إن ربنا يرحمه بس ده حسابه هايبقى تقيل صح؟! عمل أفلام كتير فيها مشاهد مش كويسة والأفلام دي لسة قاعدة وبتتعرض وابنه كان بيتفاخر في حلقة من الحلقات بإن والده ده أسطورة في الستات مش ممكن يجي زيها..!

وفي لحظتها قلت ربنا يرحم كل عباده .. ونمت!، فتحت عيني الصبح.. ببص في الموبايل والله العظيم لقيت أول فيديو جه في وشي لفاروق الفيشاوي! فتحته! لقيت الفيديو فيه حد صور فاروق الفيشاوي في عزاء ممدوح عبد العليم .. وراجل فلاح بسيط جه يدخل العزا ويقعد الأمن منعه! ولما حاول يتكلم معاهم ويفهمهم إنه بلديات ممدوح عبد العليم الأمن إتلم عليه! اللي هو واحد زيك إنت عايز يدخل يقعد وسط الفنانين والمشاهير وكريمة المجتمع !

فما كان من فاروق الفيشاوي إلا إنه قام من كرسيه.. سحب الراجل من إيده من وسط الأمن وقعده جنبه! ولسان حاله بيقول يعني لو فيكوا راجل يجي ياخده من جنبي.. بس كده! بدون ولا كلمة ..

فالراجل بقى يبصله ويقوله شكراً .. ويطبطب على رجله .. وفاروق قام مطبطب على رجل الراجل بردو عشان يطيب بخاطره..

والله العظيم كأن ربنا بيقولي حكمت بينك وبين نفسك على الراجل إمبارح هاه ! طب شوف بقى حاجة صغيرة! لعله بجبر خاطر الراجل البسيط دخل الجنة!".