فنانة تعاني من الاوجاع وتخضع لعملية جراحية بسبب "نملة"!

كشفت الفنانة سارة نخلة من خلال حسابها على إنستغرام عن خضوعها لعملية جراحية مؤخرًا إلا أنها أثارت جدلاً كبيراً بتأكيدها أن "قرصة نملة" سبب تدهور حالتها الصحية بهذا الشكل.

ونشرت سارة صورة لها خلال احتجازها بالمستشفى، وعلقت قائلة :"أنا أول مرة بعمل الحركة دي، ولا عمري حبيت حد يشوفني تعبانة أو ضعيفة، بس الحوار غريب شوية أو شويتين الحقيقة".

وتابعت :"دي كانت ليلتي في المستشفى بعد ما روحت البيت، بعدين حسيت بوجع رهيب روحت المستشفى وعملت نقدر نقول نصف عملية عشان التخدير كان موضعي عشان مش عارفة استحمل الألم".

واستكملت حديثها قائلة :"بس غير إني كان عندي برد أصلا و بقالي أربع أيام مش باكل كويس ومش بنام كويس، وكل شوية بدوخ بس السبب اللي دخلني المستشفى بالليل وبكل بساطة هو نملة، صدقوني نملة، تخيلوا لما تبقوا طول الوقت بتحاولوا تبقوا أقوى وكويسين و تيجوا على نفسكوا وفي الآخر نملة تدخلكوا العمليات ".

View this post on Instagram

A post shared by Sarah Nakhleh سارة نخلة (@sarah.nakhleh) on Oct 22, 2019 at 4:06am PDT

وأضافت: "ببساطة نملة قرصتني عملت التهاب بعدين خراج وكل ده أنا فاكرة إنها ناموسة عادية عشان أنا جسمي حساس جدا، بس وصلت لدرجة بالليل اني مش عارفة أقعد دقيقة من الوجع والسخونية والدوخة ودخلت الطوارئ على طول، والدكتور فتح الخراج طبعا كنت بموت من الوجع بس الحمدلله عدت على خير، الحمدلله على كل حال وأنا في بيتي دلوقتي بس يارب أبقى أحسن و الجرح يلم بسرعة عشان أقدر أوقف تاني"