أثارت الفنانة هنا شيحة الجدل بين متابعيها بعدما نشرت عبر حسابها الشخصي بإنستغرام رسالة مؤثرة لمتابعيها أثارت بها الجدل.

وقالت: «كل يوم بيعدي خلص وكل يوم جديد هدية اختيار.. اختار حياتك, شغلك, صحابك مش دايمة لحد».

وتابعت شيحة: «اللي دايم عملك وقلبك وروحك الحياة بتعلمنا بس في دروس بتبقى صعبة قوي قوي لازم نتعلم منها ونشوف الدرس إيه.. اتعلمت إن الحب بيبان متأخر اتعلمت أن الخير موجود بس مستخبي جوه القلوب خايف يبان عشان الخوف بقى أقوى مننا فبقينا نخاف نحب لنتجرح».

وأضافت هنا شيحة: «بقينا عايشين ومش عايشين الأيام بتعدي ملهاش طعم لحد ما يحصل حاجة تزلزل كيانك وتفوقك وتخليك تعيد حساباتك في كل حاجة».

وأثارت الرسالة الجدل بين متابعيها، حيث تلقت العديد من التعليقات دارت كلها حول تأثرها بموت الفنان الشاب هيثم أحمد زكي، حيث علق أحد متابعيها بقوله: "وفاة هيثم أحمد زكي أثرت فيكي قووي وتقريباً أنتي من الناس القليلة اللي فهمت الرسالة" وقال آخر: "عندك حق الحياة مش دايمة لحد", وقالت ثالثة: "ربنا يهديك ويهدينا أجمعين أنا حاسة إنك قريبة من ربنا بموت هيثم الله يرحمه, ربنا ينور بصيرتك".