نشرت المطربة شذى عبر حسابها على إنستغرام صورة من حكم قضائي حصلت عليه ضد فتاة انتحلت شخصيتها وسبتها على صفحات مواقع التواصل الاجتماعي.

وينص الحكم على تغريم الجانيه 200 ألف جنيه مصري، ومبلغ 10 ألف جنيه أخرى على سبيل التعويض المدني المؤقت وإلزامها المصاريف الجنائية والمدنية.

وعلقت شذى على الحكم قائلة: "من سنة تقريبا اتعمل account fake وشتمني بأقذر الشتايم وكلام وحش جداً، وروحت وعملت محضر ومكنتش متخيلة أن حقي هيرجعلي، وأن هيتعرف مين عمل كده، بس الحمد لله إن إحنا في دولة قانون محترمة، وأن عندنا أجهزة حديثة قدرت توصل للي عمل فيا كده، وأنا فضلت ساكتة وماشية خطوات قانونية، وكنت واثقة في ربنا وفي القانون أن حقي هيرجع، حسبنا الله ونعم الوكيل فأي حد يفكر يشوه بني آدم زييه، وربنا يعافينا ويبعدنا عن سواد القلوب والغل".

وأضافت: "شكراً لكل حد تعب علشان يوصل للجاني، شكرا لضباط مكافحة الجريمة الإلكترونية والقضاة المحترمين اللي اعتبروا أني أخت أو بنت أي حد منهم وأصدروا الحكم العادل.. الحمد لله".