بعد نشر خبر على المواقع الإخبارية حول ثمن السيارة التي ظهرت ندى الكامل، زوجة الفنان أحمد الفيشاوي، وهي تستعرضها في مقطع فيديو نشرته على حسابها في "فيسبوك"، وقيل إن ثمن السيارة مليون جنيه مصري، ردت الكامل على الخبر بقولها إن السيارة التي استعرضت بها ليست من طراز "مرسيدس CLA"، وأنها فئة "مرسيدس - E CALSS COUPE"، وسعرها الحقيقي 2 مليون و600 ألف جنيه، وليس مليون جنيه مصري.

واعترضت زوجة الفيشاوي الصغير، على نشر خبر سيارتها بألفاظ نابية، فقالت: "انتوا ناس رخمين وبايخين وتافهين وفاضيين.. وانا قررت ابقي زيكوا.. لا عربيتي مش بمليون جنيه عربيتي تمنها ٢ مليون و٦٠٠ ألف. ودي عربية واحدة من التلاته اللي عندي وكلهم مفيش منهم غير قليل".

وتابعت: "انتوا ناس جهلة ومش عارفين حتي دي أي فئه.. عربيتي E CALSS COUPE... مش cla والا اللي قولتوه ده.. يا رخمين يا فاضيين. لازم يعني أعمل showing يعني!! وأبين نعم ربنا ليل نهار ونستعرض والناس اللي حظها قليل نفضل نزهقها بالأخبار دي والتصرفات المريضة اللي للأسف بقت موضة رخيصة عند بعض الناس للأسف".

وأضافت: "كل إنسان عنده نعمة متاخد منه حاجات قصادها كتير، وأنا أتحدى صاحب الخبر ده وغيره وبطلب منه ياخد ده كله ويعيش عيان وأنا مش عاوزة حاجه غير الصحة وراحة البال والنوم من غير هم أو خوف اني هصحي بكره والا خلاص.. وده إحساس مريع وهلع... وإن ولادي وصحابي وجوزي وعيلتي يكونوا كويسين، الناس اللي ربنا مديها الصحة دي نعمة كبيرة اوعوا تنسوها.. حسوا بنعمة الصحة ومش لازم أسلوب الخبر رخيص وغير صحيح ولا يتسم ولا يمت للحقيقه بصلة.. يا رخمين".

وتابعت: "مش عيب إني أبين نعم ربنا وأفرح بيها...ع الاقل مش بنسي أحافظ على شعور الناس. لكن اللي بتكتبوه ده اللي بيخللي الناس تكرهنا، وطبعا هتقولوا دي أخبار عادية بتحصل لشخصيات المجتمع ... أنا ولا بحب الحياة دي ومش عاوزة أبقى جزء منها، غير إني مرات أحمد وبس، ومبحبش أختلط أصلاً بحد واللي بتعامل معاهم يتعدوا على الصوابع ..عيب عليكم".

وجاء ذلك بعدما نشرت صورة لها عبر حسابها الشخصي على "فيسبوك"، ظهرت فيها داخل سيارتها، ممسكة بعجلة القيادة لاستعراض شكل السيارة من الداخل.