مذيعة شهيرة تهاجم المتنمرين على ابنيها.. إليكم التفاصيل

نشرت المذيعة دعاء فاروق عبر حسابها الرسمي بإنستغرام عدة صور جمعتها بابنها وابنتها، في الاحتفال بالكريسماس، لكنها تلقت العديد من الانتقادات والتعليقات المسيئة لها ولولديها.

حيث كتبت إحدى المتابعات تعليقاً على الصور: "يعني أنتي داعية وبنتك لابسة بنطلون مقطع وبشعرها! أتأمرون الناس بالبر وتنسون أنفسكم"، لتنفعل دعاء وترد عليها كاتبة: "ممكن بعد إذن حضرتك ملكيش دعوة ببنتي خالص تلبس مقطع تلبس مهربد ده ميخصش مخلوق، وفضلاً وليس أمراً اللي هيتكلم في اللي ميخصوش هعمله بلوك".

ومع استمرار التعليقات المسيئة، أجرت دعاء تعديلاً على تعليقها على الصور كاتبة: "تعديل: من فضلكم بمنتهى الأدب والأخلاق اللي في الدنيا.. ممنوع منعاً باتاً التعليق على لبس أي حد من ولادي ولا شكلهم ولا حلوين ولا وحشين ولا شبهي ولا مش شبهي.. إذا هتدعولهم ربنا يكرمكم ويبارك لكم في أولادكم ولكم بالمثل، إنما كل حد يدخل ينظر على ولادى وعلى لبسهم ده مش مقبوووول".

وتابعت: "أنا حرة أحط صور ولادي على صفحتي للذكرى ولتسجيل اللحظة، إنما مش من حق مخلوق يدخل يناقشني في شكلهم أو لبسهم، وبعد إذن حضراتكم اللي كاتبة أو كاتب تعليق من هذا القبيل يدخل يمسحه بهدوء، لأن أي تعليق من هذا القبيل هعمل بلوك فوراً، ولكم مطلق الحرية إنكم تعملوا أنفولو للأكاونت بتاعي".

وأضافت: "محدش بيستحمل على عياله الهفوة.. وأنا مش بستحمل.. ربوا عيالكم أنتوا بالطريقة اللي تحبوها ومالكوش دعوة بعيال حد تاني حتى لو عيال أختك.. شكراً. ومرة تانية بشكر كل اللي بيقول كلمة محترمة واللي بيعلق تعليق لطيف واللي بيحافظ علي مشاعر الغير".

يذكر أن دعاء فاروق تقدم برنامجا اجتماعيا بعنوان "اسأل مع دعاء" ويعرض على قناة "النهار".‏