بعد إحداثها ضجة بالتعليق على حادثة منزل الفنانة اللبنانية نانسي عجرم، ردت الممثلة السورية شكران مرتجى على منتقديها برسالة أخرى نشرتها على حسابها على "إنستغرام".

وكتبت: "مو كل ما نزلنا بوست يطلع جهابذة أساتذة تحليل. ماشي، عيب. أنا مالي خبيثة. بكتب بصراحة، نقطة انتهى للبعض".

ولفتت بذلك أنظار المتابعين الذين أثنى معظمهم على صدق نواياها وعاطفتها الإنسانية. ويأتي هذا بعد الرسالة التي نشرتها على حسابيها على "فيسبوك" و"تويتر" وجاء فيها: "بدي أحكي ما حدا لأنه رح يحكي. أنا ضد الجريمة أكيد، ضد التعدي عالآخرين وبتمنى السلامة للنجمة نانسي عجرم وعائلتها الكريمة وأنا بحب لبنان ورفقاتي أغلبهم لبنانية غاليين ودايماً فاتحين قلوبهم مو بس بيوتهم وبحبهم كلهن كلهن".

وأضافت: "ولكن ... مو كل شغلة بينسبوا كل السوريين متل ما كان قبلهم الفلسطينية عزيزي وعزيزتي اللي عم تشتمي بأبشع الكلمات وخليهم ينقلعوا من عنا. والله رح ينقلعوا والله هانت... ما بيكفي عنصرية عند البعض؟".

وتابعت: "إيمتى بدنا نطفي النار ما نشعلها؟ إيمتى بدنا نرحم بعض ليرحمنا الله؟ ايمتى بدنا نبطل تشفي بوجع وجثث بعض؟ أنا مع العدالة ومع الحق بس مو مع التعميم. حاج".