سلاف فواخرجي تضع النقاط على الحروف وتفاجئ الجميع بما قالته عن ازمة زوج نانسي عجرم

14 يناير 2020

تعليقاً على قضية مقتحم فيلا الفنانة اللبنانية نانسي عجرم، كتبت الفنانة السورية سلاف فواخرجي رسالة مطولة أرفقتها بصورة للأخيرة مع عائلتها وصورة أخرى للقتيل مع ولديه.

وكتبت: "القانون هو الفيصل وفي ظالم وفي مظلوم وفي عدالة عالأرض ولو بنسب قليلة وفي عدالة بالسما أكبر من كل النسب.كل الناس بتطلب رأي أو موقف من الفنانوالفنان جزء من المجتمع لازم يقول ويحكي أكيدبس لما بتكون الأمور لسا ما اكتملت صورتهاولما بتكون بإيدين القضاء،نحنا مافينا نبت أو نعطي أحكام وقرارات ولابيجوز نتدخل لأنو الحقيقة بعدها ماوضحت والقضية شائكة جداً".

وأضافت: "ولكل الناس اللي عم تطالبني بإبداء الرأي بالقضية وكأنو قراري هو الحكم أو لمجرد إثبات موقف أواللحاق بسبق السوشل ميديا (والقصة مو هيك وأكبر من هيك) أنا بوقف جنب الإنسان المظلوم بغض النظر عن جنسيته. ماحدا بيقبل بالظلم لا إلو ولا لغيرهز وصحيح السوري انظلم من إخوته كتير، بس التعميم غلط،وبكل بلد في صالح وفي طالح.الجنسية متل الاسم مالو علاقة فيها البني آدم بتخلق معهوالعنصريين وين ماكانوا هم ناس مريضين".

وتابعت: "وبوقف أكيد مع ابن بلدي بالحق ولو كان بآخر ماعمر اللهوكل نقطة دم منه هي من دمي.ولو نانسي ود.فادي مذنبين أكيد رح ياخدوا جزاءهم.بس الموضوع أكبر مننا ومن تقييمنا وماحدا قدر يعرفه لحد هلأ عالقليلة. والأكيد كمان انو هنن مو مجرمين بالأصل ولا ساديين،بس في شي صار غلط وغير مقبول.وأكيد هنن عيلة منيحة، ماسمعنا عنهم كلام سيء بيوم من الأياموعندهم عيلة وبناتوالڤيديوهات اللي عم تنزل والأغاني والشماتة مابتليق بإنسان تعرض لمصيبة بكل معنى الكلمة ولا بفنان بيوم من الأيام قدم سعادة للناس.مانو إله طبعاً وبيغلط وممكن يكون يتحول لمجرم بلحظة مابس مو باللحظة اللي وقع فيها نكون نحنا مجرمين".


وختمت: "الله يرحم ابن بلدي ويصبر أهله وعيلته وولادو وولادو متل ولادي وولادنا كلنا. وان شاءالله بيرجع حقه كإنسان وبيفك الظلم عنهواللي صار معه حفر بقلوبنا ألم ووجع مابيخلصوا.والرب وحده اللي بيقتص من الظالم عاجلاًأو آجلاً.اتركوا مناصب المحامين والقضاة وبعدوا عن كونكم أوصياء عالمجتمعوكل واحد فينا عندو مية مشكلة ومية عيب وكلنا معرضين بلحظة ما نكون مظلومين أو ظالمين.وأكيد في شي ماحدا بيعرفه صار واللي صار أكبر من فن وشهرة، في بيوت وفي أسرار وفي بشر.

عنا ثقة بالقضاء اللبناني وعنا ثقة بالمحامين السوريين المهمين اللي استلموا القضية وبكل المحامين العرب اللي اتطوعوا لكشف الحقيقة وتضامنوا مع محمدالموسىوالهم كل الاحترام والتقديروعنا ثقة قبل كل شي بالله العادل والرحمن والرحيم. وخلوا البشر بحالهم ولايكونوا سلعة نسوقلها".