رسالة تفطر القلوب من بيار رباط إلى شقيقته الشابة بعد وفاتها... "سافرتِ وما خليتينا نودعك"

نشر الإعلامي ومقدم البرامج اللبناني بيار رباط، على حسابه على "إنستغرام"، رسالة مؤثرة جداً عبر من خلالها عن حزنه الشديد على وفاة شقيقته بيا.

وجاء فيها: "اليوم خلصت قصة عمرها، 36 سنة، وكانت قصة حلوة كتير. قصتي أنا من يوم لي فتحت عيوني عالدني ليوم ما سكرت أختي بيا عيونها عن الدني. إيه خلصت قصتي لأنو فرحي ونجاحي وأحلامي ما بقى رح شوفن عم يلمعوا بعيون بيا وضحكتها. إيه خلصت قصتي لأنو خوفي ومشاكلي وانهزاماتي ما بقى رح يلاقوا كتف بيا يتكلوا عليه ويسمعوا دعمو ويعرفوا منو إنو بكرا أحلى".

View this post on Instagram

A post shared by Pierre Rabbat | بيار رباط (@pierrerabbat) on Jan 12, 2020 at 11:08pm PST

وتابع: "حضرت حالي لكتير إشيا صعبة بالحياة بس ما بحياتي كنت اتخايل كون حاضر لأوقف هيدي الوقفة لودع أحلى وأعز شخص بحياتي ولودع معو أحلى شي من الحياة يلي عشتها. اليوم خلصت قصتي لأنو بعرف إنو حياتي من بعدك ما رح تكون هيي ذاتا لأنك أخدتي معك أحلى شي فيي وأحلى شي فيي كان إنتِ. بيا إنت كنت الأخت يلي كل شخص بيتمناها. بيا إنت كنت السند يلي كل عيلة بحاجة إلو، إنت كنت الإخت والإم بيا".

وأضاف في رسالته: "سافرتي ومن غربتك ما خليتي الماما تحس إنك بعيدة. كنتِ حدها كل يوم تنتبهي عليها وتحسسيها إنك قريبة وجاهزة تكوني حاضرة بأيا ظروف... بس هل مرة سافرتِ وسفرتك ما كانت من المطار وما خليتينا نودعك وما قلتيلنا أيمتى راجعة...".