حل الموسيقار حلمي بكر ضيفاً على برنامج "الحكاية" الذي يقدمه الإعلامي عمرو أديب على قناة "mbc مصر"، حيث تحدث عن أغنية "حاجة مستخبية" التي قدمها الفنان محمد حماقي منذ عدة سنوات ولحنها له الملحن محمد مدين، مؤكداً أن اللحن مسروق من أغنية تركية وأن الأزمة التي صنعها مدين مفتعلة بعد طرح أغنية بنت الجيران" لمطربي المهرجانات حسن شاكوش وعمر كمال.

وفي أول رد فعل على تصريحات بكر انتقد الملحن مدين، ما قاله الموسيقار الكبير، مؤكداً أنه لم يفرق في شيء عن الذين سرقوا لحنه.

ونشر مدين عبر حسابه على "إنستغرام" صورة ضمت كلاً من الفنان المصري محمد حماقي والمطربة التركية إبرو ياسار، بالإضافة لأصحاب مهرجان "بنت الجيران"، وعلق عليها: "فيه موضوع كل الناس بتتكلم عنه إلا أنا، رغم إن أنا صاحب الموضوع، وهو لحن (حاجة مستخبية) واللحن التركي والإسرائيلي كمان ومهرجان (بنت الجيران)، بس أنا ساكت عشان ما بحبش أعمل شو على الفاضي".

وتابع: "بس لما ألاقي الأستاذ حلمي بكر طالع إمبارح مع الأستاذ عمرو أديب في برنامج (الحكاية) وقناة مهمة زي mbc بيتكلم على لحن أغنية (حاجة مستخبية)، وإن ده لحن ماحققش نجاح مع المطرب اللي أخدها- يقصد حماقي- وإن اللحن ده مسروق من لحن تركي!... عايز أقوله يا أستاذ حلمي اللي حضرتك ماتعرفوش أن الحمد لله لحن (حاجة مستخبية) كان مع مطرب كبير مش نكرة وهو الفنان الكبير (محمد حماقي)، وحقق نجاح كبير جداً في مصر والوطن العربي، لدرجة أن النجاح ده وصل لتركيا، واتواصلوا معايا بكل احترام وأخدوا مني اللحن بشكل رسمي واتترجم للتركي مع نجمة كبيرة بحجم Ebru Yaşar وده لينك الاغنية.

وتابع: "وحضرتك ممكن تتأكد بنفسك أن اسم الملحن (محمد أحمد فؤاد)، زي اسمي في التنازل وبتواصل دلوقتي معاهم عشان اسم الشهرة، وعايز أقول لحضرتك حاجة قبل، ما تطلع في برنامج كبير زي ده لازم تتأكد من معلوماتك كويس، عشان أنت كده مافرقتش عنهم حاجة، هم سرقوا مجهودي وحضرتك بتضيعه، وده شيء يؤسفني أنه يخرج من أستاذ كبير زي حضرتك".

وأضاف: "ومش بس كده للأسف، في حد اتهمني كمان أني سارقه من إسرائيل، دخلت لقيت إنهم سارقين مني فعلا جزء من اللحن مش اللحن كله، والتاريخ كان من بعد نجاح الأغنية بثلاث سنوات وده للتوضيح مش أكتر".

يذكر أن أغنية "حاجة مستخبية" طرحها الفنان محمد حماقي في عام 2012 في ألبومه "من قلبي بغني"، وبعدها صورها بطريقة الفيديو كليب، وتم نشر الفيديو عام 2014.

وهي والأغنية من كلمات الشاعر الغنائي محمد عاطف ومن ألحان مدين وتوزيع الموزع الموسيقي أحمد إبراهيم، وتم تصويرها بطريقة الفيديو كليب مع المخرج كوستاس إيفانوف.