حرب كلامية وتبادل سخرية قاسية بين جيني إسبر وممثلة سورية

اشتعلت الحرب بين الفنانة السورية جيني إسبر ومواطنتها الممثلة الصاعدة ريم نصر الدين. وجاء هذا على إثر نشر أحد حسابات معجبي المشاهير صورة للأخيرة مع التعليق: "الممثلة ريم نصر الدين في أحدث صورة لها".

ويبدو أن هذا استفز إسبر التي علقت: "والله صفة النجمة صارت ملطشة لكل حدا مغمور". وهو ما أطلق في وجهها موجة هجوم ناري من متابعي نصر الدين. وكتب أحدهم: "وأحلى نجمة كمان ريم".

كما لم تتردد الأخيرة في الرد بنفسها على الحساب نفسه وكتبت: "ميرسي يا مذوق". ولم تكتف بهذا بل وجهت رسالة مباشرة إلى جيني وكتبت فيها: "يعني يا ريت حدا يتواصل مع جيني ويقلها تبطل تفوت على صفحتي وتكتب كومنتات بلا طعمة عالبوستات يلي بتخصني . و ما في داعي لهاد الهجوم بس لأنه قلنا إنه ما خرجها تعطي دروس تمثيل. يعني عيب عليكي والله يا مدام جيني هالأسلوب، هدي من روعك واهتمي بنفسك وما في داعي ننزل بالمستوى كتير".

وأضافت: "إذا أنا مغمورة ليش هالقد مأثرة فيكي؟ بصراحة ما عندي أي شي شخصي معك بس إنه حكينا إنه كبيرة المزحة هي إنك تدرسي تمثيل. وبظن الكل يوافقني الرأي".

وختمت: "كان فيكي تكوني واثقة من نفسك أكتر وتقبلي النقد بطريقة أرقى من هيك. الله يرحمك يا ستانسلافسكي تجي تكون معنا بهالجلسة".