بالصور - فريدة سيف النصر تصاب بورم كبير في الوجه وتستغيث

كشفت الفنانة فريدة سيف النصر، من خلال حسابها على فايسبوك، عن إصابتها بورم في الوجه وشعورها بألم شديد من الصعب تحمله .

ونشرت صورة كشفت عن نصف وجهها، والذي صدم متابعيها وعلقت:" ممكن تدعوا لي من قلبكم بجد اول مرة ابكي زي الاطفال انا اصلا بتحمل لكن مش قادرة..ده مش ماكياج ده وشي بدون سابق انذار صحيت بصوت في نصف الليل ودي رابع مرة يحصل لي حاجه غريبه في وشي واكون باةشتغل يعني مش وقته".

وأضافت :"استغفر الله احسن من غيرنا سامحني والنبي اللهم لااعتراض..عاملة زي الكرة عيوني مقفولة وفمي مدلدل حتي حواجبي وارمة ... يخرب بيت كده انا اديتكم نص الوش علشان حقيقي مش انا".

وتابعت:" رعب والله تغيير سريع سبحان الله والحمدلله مش هزار تحت اسنان سليمة 4 خراريج ازاي مش عارفين عملنا بانوراما كاملة والدكتور مستني الالتهاب يروح".

واستكملت:" باخد حقن الفنتيرن قوية واوجمنتين ... الالم الحمدلله مايتحملوش الا حد مستسلم لارادة ربنا ويشكره..المشكلة الشغل ومفيش وقت لاحول ولاقوة الابالله..لازم يصوروا من غيري وانا وافقت هعمل ايه ؟؟ قدر الله وماشاء فعل ".

واختتمت :"حبيبي يا ربنا كل اللي تجيبه راضيه والحمدلله هو مابيجيبش حاجه وحشة ابدا قضا اخف من قضا لو هافدي الغاليين كلهم انا جاهزة..ادعوا لي..اسفة على الصورة بس انتم حبايبي ...الآذان سلام بقى".

شارك