نشرت الفنانة داليا مصطفى على حسابها في موقعـ"فيسبوك"، منشوراً عبرت فيه عن استيائها من بعض الفنانين الذين يتحدثون في وسائل الإعلام بشكل غير لائق، ويتفوهون بألفاظ غير مسؤولة.

وقالت: "مش عارفة أقول إيه وأبدأ إزاي، بس فعلاً فيه بعض الممثلين الزملاء وهما ممكن يكونوا هايلين جداً جداً في شغلهم، لكن الأفضل ليهم ولينا إحنا لأننا نصنف على إن كلنا واحد، إنهم ميتكلموش خالص خالص خالص في أي برنامج لأنهم بيفضحونا فعلاً، لا ثقافة ولا وعي على إنهم بيسجلوا مع مذيع ولا صحفي".

وأضافت: "والأكبر والأقوى من كده إنهم ليهم معجبين كتيييييييير ولأنهم وده اللي مش قادرين يستوعبوه إنهم قدوة قدوة لناس كتير أوي أوي.. وأي كلمة مش مظبوطة أنت أو أنتي بتعتبروها هزار وخفة دم. صراحة هي شيء سخيف وأنت حضرتك بتهدم جيل بأسلوبك الركيك ومعني ركيك مش رقيق يعني أسلوب متواضع في اللغة وعيب علي حضرتك أو حضرتك كفنان يصدر من لسانك مثل هذه الألفاظ لأنك علم وغير كده وكده ارحمونا شكلنا بقي وحش أوي أوي أوي".

وتابعت: "آه وعلى فكرة في نجم عظيم عظيم بمعني الكلمة لكنه عمره ما طلع في أي برنامج أو مقابلة عابرة لأنه عارف كويس أوي إنه مش بيعرف يتكلم كويس وعادي يعني الراجل عايش وكلنا بنحبه ونموت ونتصور معاه ارحمونا بقى".

يذكر أن داليا شاركت مؤخراً في مسلسل "حواديت الشانزليزيه"، الذي قام ببطولته النجم ‏إياد نصار، إدوارد، مي سليم، إنجي المقدم، بالإضافة إلى ضيوف الشرف ‏عايدة رياض، حمدي الوزير، فريدة ‏سيف النصر.