وجّه الفنان الشعبي سعد الصغير عبر حسابه الخاص على "إنستغرام"، رسالة لكل الفنانين الذين شاركوا في تحديات الخير المنتشرة لمواجهة فيروس كورونا، بعد انتشاره وتأثيره السلبي على دخل عدد من الأسر بسبب توقف العمل.

وكتب قائلاً: "مساء الفل على إخواتي وحبايبي، بقول كل كلمة من كل قلبي في ظروف صعبة ما يعلم بها غير ربنا، مش هقولكم أنا هتحدى ولا هقول كام أسرة ولا كام شخص، حاجة واحدة بس كنت كمان في مشهد من فيلم "ابقى قابلني" قولتها وأنا في مشهد بتاع وأنا في السجن. لو كل واحد معاه فلوس أو غني ساعد حد فقير بس بحاجة بسيطة عمرنا ماهنوصل في الي إحنا فيه، آه أحسن من ناس تانية كتيرة وبلاد تانية كتير".

وتابع: "بس أنا بتكلم في حاجة معينة الي هيا مش شرط حدث يحصل أو حاجة كبيرة تحصل والعالم شايفها فتساعد علشان ظروف ما وبعد كدا تقول أنا عملت الي عليا".

وأضاف: "ياجماعة اقسم بالله الي بيعمل خير طول عمروو هيفضل في خير طول عمروو وكفاية السيرة الحلوة وحب الناس #بسيطة ومش هطول عليكو ياريت الناس الي بتعمل خير وتتحدي تعمل التحدي ده مع الناس الغلبانة التعبانة الي أنا كنت واحد في يوم من الأيام منهم، مش أيام ولا شهور فقط، يا ريت نساعد بعض طول حياتنا، افهم وخليك عارف كدا هنموت كلنا وكلو هيبقا زي بعضو خلي الي معاك ميبقاش بتاعك أنت وبس في غيرك محتاج ربع بسيط من الي معاك وأنت خد الباقي ياعم واعمل الي أنت عايزه".

وختم كلامه بقوله: "أتمنى كلامي يبقى مفهوم ويوصل لكل حد محترم أصيل بيعمل خير وبيحب الناس من قلبو بجد وطيب. وإن شاء الله أزمة وهتعدي بإذن الله ربنا هيكرمنا وهنبقى أحسن ناس في الدنيا اللهم أمين".