هجوم حاد على فراس سعيد.. وهو يرد

عبر الفنان فراس سعيد عن غضبه الشديد من الهجوم عليه بسبب تداول صورة له وصورة أخرى للنجم محمد رمضان وهما بمواقع تصوير أعمالهما، حيث شن رواد السوشيال ميديا هجوماً حاداً عليهما لإستمرار تصوير المسلسلات في وقت تفشي فيروس كورونا .

وكتب فراس من خلال حسابه على "فيسبوك": "صباح الخير جميعا.. آسف اني بكلمكم عن حاجة بسيطة.. بس الموضوع محيرني و مش فاهمة الصورة دي بقالها يومين بتلف الانترنيت.. ناس كتير كاتبة ان في زمن أتقفل فيه الجوامع و المساجد الناس دي لسه بتصور.. و طبعا ناس بتدعي علينا بأننا نمرض.. و ناس شايفه ان ده أستهتار و جري وراء الفلوس.. غير كلام جارح كتير مالهوش لازمة."

وتابع: " اولا.. لا اعلم لو صوره الزميل محمد رمضان دي من امتى...بس الصوره الثانيه الي متشيره دي من تصوير مسلسل "ضد مجهول" يعني من اكتر من سنتين.. وانا عن نفسي واقف تصوير و فالبيت داخل على 3 اسابيع ".

وأضاف: "ثانيا .. انا مع كل الناس اللي شايفه ان التجمع فالوقت ده غلط.. و اننا لازم نلتزم بالاجرائات الوقائية.. بس فيه مسؤولية على الناس ديه.. و اكيد مش هاينزلو من بيوتهم الا عشان المسؤولية دي ".

واختتم كلامه قائلا: "ثالثا.. هو ايه لزمة الكلام الغلط و الدعاء على الناس ؟ آسف لو خدت من وقتكم".

شارك