نيرمين الفقي تهاجم هؤلاء: ضيعوا عمري

كشفت الفنانة نيرمين الفقي خلال إستضافتها بأحد البرامج التلفزيونية عن سبب ابتعادها عن التمثيل لعدة سنوات قبل عودتها له من خلال مسلسل "ابو العروسة".

وقالت: "المنتجون ضيعوا 10 سنين من عمري في انتظار الدور الكويس، عشان كده غيرت ونوعت من جبل الحلال لأبو العروسة لنصيبي وقسمتك، وكل واحد فيهم كان فيه نجاح كبير الحمد لله".

وأضافت: أمي كانت زمان بتنصحني إني مهتمش بالفلوس وتقولي اهتمي بالعمل عشان يفضل المشاهد فاكرك وتسيبي علامة، لكن للأسف دلوقتى لا في فلوس ولا في دور مناسب".

وتحدثت نيرمين الفقي عن أجرها وفجرت مفاجأة من العيار الثقيل، وقالت :"أنا دلوقتي بمضي بأقل من أجري اللي كان من 10 سنين.. الموضوع ده طبعا مأثر وبيضايق أكتر لكن دي الحقيقة ولازم أكون واقعية، لكن النجاح هو التواجد، طول ما أنتي موجودة ده نجاح في حد ذاته".