بعد تقليدها ياسمين صبري.. فنانة شابة ترد على الشتائم الجارحة بحقها

نشرت الفنانة جيلان علاء، على حسابها الخاص بـ"فيسبوك"، صورة جديدة لها، كشفت فيها عن تلقيها بعض الانتقادات بسبب تقليدها لفنانات من زميلاتها، كانت آخرهن الفنانة ياسمين صبري في ‏فيديو نشرته عبر حساباتها على مواقع التواصل الاجتماعي.‏

وعلقت على الصورة بقولها: "شكراً على كل التعليقات الحلوة والرسايل المشجعة، رسالة للي ‏بيشتموني بألفاظ خارجة وشايفين إن التقليد "حقد" أو "تنمر" يا جماعة أنا الفنانين بيبعتولي ويطلبوا مني أقلدهم.. ده فن مش أذية ‏للمشاعر".‏

وتابعت: "أنت مش ابن عم الممثل عشان تتحمق له أو تتحمق لها.. أنت ممكن تكون فاكرني بتريق على ممثل أنت فان ليه... وناس ‏بتقول بمنتهى السفالة.. أنتى مش لاقية شغل فبتتريقي على اللي وصلوا عشان محدش بيشغلك.. الكلام ده هو اللي قلة أدب مش التقليد".‏

وأضافت: "اللي محروق مني هدي له خمس تشيقلام على وشه، واللي مقدرني... شكرا ليك على وجودك على ‏صفحتي.. شكرا على كل كومنت حلو بيخليني أطلع أحسن ما عندى.. وبعتذر لو مش عارفة أشكر واحد واحد... شكرا لكل اللي ‏بيدعيلي في وشي أو بظهر الغيب... تسلمولي وأنتم فوق راسي".‏

واختتمت: "مفيش حد بيوصل بجد غير بحب الناس... ربنا يبارك فيكوا ويزيد كمان... إنتوا الرزق الحقيقى من ربنا... وعلى فكرة شكرا ‏لكل نقد محترم.. أنت بتعرفني نقط ضعفي اللي بتساعدني أكون أحسن... فشكرا شكراً شكراً....

ملحوظة: محدش ناجح ملوش أعداء... فبقول لكم من كل قلبي ‎BLOCK‏".‏

يشار إلى أن جيلان علاء، عرض لها مؤخرا مسلسل "الآنسة فرح"، المأخوذ عن مسلسل ‏‎‎Jane The Virgin‎، وهو من بطولة رانيا يوسف، أسماء أبو اليزيد، تامر فرج، أحمد ‏مجدي، ‏محمد ‏كيلاني، هبة عبد العزيز.‎

مقالات ذات صلة

سمية الخشاب توجّه رسالة الى السيدات بسبب زيادة وزنها (فيديو)

مي عز الدين تطلب من ياسمين صبري مشاركتها في التمارين الرياضية (فيديو)

ياسمين صبري جيلان علاء مشاهير الفن