فنانة شابة تنقذ شقتها من حريق عبر القفز من الشرفة

أنقذت الفنانة الشابة مايا فارس شقتها من نشوب حريق في آخر لحظة. وروّت عبر حسابها الشخصي على "فيسبوك"، تفاصيل نجاتها من حريق في منزلها.

وكتبت قائلة: "والله ربنا نجاني النهاردة.. أول مرة أفهم يعني إيه إحساس إنك تنط من بلكونة علشان تلحق بيتك قبل ما يولع.. النهاردة يوم غريب بالنسبالي".

وتابعت: "باب الشقة، اتقفل فجأة وأنا برا الباب والمفتاح جوه والبوتجاز شغال على أكل ومش عارفة أدخل، فحاولنا نكسر الباب.. معرفناش وريحة الشياط طالعة من الشقة ومش عارفة أعمل إيه".

وأضافت: "خبطت على الجيران ونطيت من البلكونة والحمد لله إن الشباك كان مفتوح ولحقت البيت قبل ما الدنيا تولع.. ستر ربنا ده نعمة كبيرة.. الحمد لله يارب".

وتشارك مايا فارس في مسلسل "النهاية" الذي يعرض حالياً في سباق رمضان الدرامي، وهو بطولة يوسف الشريف وسهر الصايغ وناهد السباعي وعمرو عبدالجليل. وكانت شاركت السنوات السابقة في مسلسلات "الزيبق" و"السر" و"وضع أمني" و"أيوب".