فريدة سيف النصر تعتذر من الجمهور بسبب مشهد في "الفتوة"

بعد أن ظهر رجال الفتوة الحاج أحمد والذي جسدت دوره الفنانة فريدة سيف النصر، في الحلقة الأخيرة من مسلسل "الفتوة" وهم ينسحبون من جوار حسن الجبالي (ياسر جلال) لينضموا إلى جانب الفتوة عزمي أبو شديد (أحمد صلاح حسني) تلقت سيف النصر ردود فعل غاضبة بسبب خيانة معاونيها لحسن الجبالي.

وأوضحت سيف النصر عبر حسابها على "فيس بوك" أنها لم تكن على دراية بهذه النهاية، وأنها قدمت دورها كشخصية مخلصة وأمينة طيلة ‏الحلقات السابقة قبل أن يقرر المؤلف تغيير النهاية.‏

وكتبت فريدة سيف النصر قائلة: "مقدرش على زعل جمهوري، يا جماعة يا اللي حبيتم الفتوة العمل العظيم وحبيتم شخصياته وحسن ‏الجبالي حبيبي.. وحبيتم حاج أحمد رغم إنه ضيف.. وبتلوموني ما تزعلوش وتقلبوا، أنا والله ما أعرف إزاي طلعت خاينة أنا المفروض ‏جدعة معاه ومش عايزه أتكلم هو أنتم شفتوني ولا كلام".‏

أضافت: "ما أنا مش موجودة بقى طيب واجهوني بيهم وبالرجالة وعزمي، ليه كده يا هاني سرحان، أنا حبيبتك من أول عمل لك الأب ‏الروحي ده أنا والمنباوي كنا بنكلم نفسنا من اللي عملته في الحاج أحمد كمان بتقلب الناس عليا من حبهم لحسن ما أنت دراكولا الدراما ‏مش أنا اللي سميتك كده".‏

تابعت: "يا جماعة هو هاني كده يصعب عليه حد يفضل محبوب في شخصياته أو عايش ده أسلوب حياة، يعني تكلمني تصالحني ‏وبعدها تروح تطلعها ندلة هاه هاتدافع عني بعمايلك دي ولا أتكلم أنا.. هو كل حاجة من ورايا كده قفايا ورم يا ابني".‏

يذكر أن مسلسل "الفتوة" من بطولة ياسر جلال، ومي عمر، وأحمد صلاح حسني، ونجلاء بدر، وعدد كبير من النجوم‎.‎