انبرى عدد كبير من الفنانين للدفاع والتضامن مع نجم كرة القدم الشهير اللاعب محمود عبد الرازق "شيكابالا" قائد فريق كرة القدم في "نادي الزمالك"، بعد الإساءات التي وجهت له ولأسرته على مواقع التواصل الاجتماعي.

وخرجت الإعلامية ريهام سعيد في بث مباشر عبر حسابها على "إنستغرام"، لتوضح أن شيكابالا لاعب محترم وما يتعرض له من هجوم ليس من جمهور الأهلي، لأن هذه "الحثالة" على حد تعبيرها، لا تنتمي أبدا لأخلاق النادي الأهلي ولا لأخلاق جمهوره، مضيفة: "شيكابالا ده قمر وراجل جدع ومحترم ولا انتوا متضايقين عشان بيلعب كويس!.. من إمتى إحنا المصريين بنتريق على لون البشرة وبنتكلم في الأعراض؟!.. اللي بيحصل ده قرف وقذارة".

وخلال البث المباشر وجه أحد المتابعين إساءة لريهام كاتباً: "كفاية تطبيل"، لترد عليه قائلة: "في واحد فاضي كل شوية يكتب كفاية تطبيل.. هطبل لشيكابالا عشان ياخدني ألعب في الزمالك مثلا؟!! إطلع برا اللايف يا أهبل.. تحب أقول اسمك واشتمك؟!.. أنا هعمل زي صديقي الفنان أحمد فهمي.. بيرد على التعليقات المسيئة بشتيمة فأنا قررت أعمل زيه".

وتابعت: "بس في حاجة أحلى.. ودي بقولها لزمايلي.. أي ممثل أو مطرب أو حد مشهور.. تقدر تقدم بلاغ لوزارة الداخلية على أي تعليقات مش عاجباكم.. شكراً للوزارة إنها رحمتنا من الأشكال القذرة اللي بتدخل على الإنترنت.. يعني إيه حد يدخل صفحتك الشخصية يقولك أنت كاتب ده ليه وبتعمل ده ليه! أنت مال أهلك مش عايزني أبقى قليلة الادب بقى.. أنتوا مرضى.. عايز تشتمني وما أردش عليك؟!".