هجوم ومشادة كلامية بين كارلا حداد وممثلة لبنانية: "رخيصة وبلا أخلاق"

فاجأت الممثلة اللبنانية سهى قيقانو متابعيها على موقع "تويتر" بتغريدة تحمل هجوماً عنيفاً على الاعلامية كارلا حداد بعد إعلانها خبر انفصالها عن النجم طوني أبو جودة.

وفي التفاصيل، بدأ الجدال والمشادة الكلامية بين قيقانو وحداد بعد تغريدة الاولى التي قالت فيها: "دخلكون كل فنانة ممثلة مذيعة اعلامية مطلقة بتنشعط وبتهبلا؟ لازم تشدو حالكون لو حظكون تعتير… اذا مذيعة deja هبلة وتطلقت وانجدبت بزيادة شو منقلا؟ Nauseated face المذيعة المشحوطة من الـmtv"، لترد عليها كارلا بشكل مباشر "انت ردي المصاري يلي بدن ياها منك العالم يا وسخة يا بلا اخلاق".

وتابعت كارلا في سلسلة تغريدات على "تويتر" قائلة: "أنا كان عندي قناعة إنّو ما لازم ولا مرّة ردّ أو إنزل لمستوى ما بليق فيّي، بس سكوتي تُرْجِم بالضّعف وسمح لأهل الباطل يتوهّموا إنّن على حق. بسمح لحالي إنزل لمستوى وردّ على شنعاء كنت إشفق عليها قد ما بيحكوا عنها بالعاطل. قالت أنا مشحوطة من ال.أم.تي.في. و أنا ح ردّ عليها و قول: مع إنو الموضوع صار قديم بس أوّل مرّة بحكي فيه: أنا تركت المحطّة بعد ما عرضت عليي برنامج مع ماريو باسيل إسمه “حبّك نار” ما كان بيرضي طموحي خاصة بعد 3 سنين من إنتظار موسم جديد من “رقص النجوم”، ولأمور كتيرة بتحفّظ عن ذكرها… والمعنيين بيعرفوها كتير منيح".

وتابعت "الشنعاء قالت إني هبلة، أكيد هبلة بالمواضيع يلي هيّ، حسب ما بسمع عنها، ضليعة فين (ما قصّر فيها مروان نجار) وطلعت هي مشحوطة من أكتر من مكان لعدم دفعها أموال مُستحقّة. وما بعرف ليه عم تنعتني بالمطلّقة. أنا طليقة حرّة من أفكارك الوسخة و مستواك الرخيص".

وختمت تغريداتها "بعتذر عم بحكي بموضوع سخيف، وفي مواضيع معيشيّة ومصيريّة عم بعيشها شعبي وبلدي الحبيب لبنان. حقكم عليّ".

أثارت هذه المشادة الكلامية جدلاً واسعاً على مواقع التواصل الاجتماعي وتدخل فيها بعد الاعلاميين من بينهم دومينيك أبو حنا الذي دعم كارلا ووصف الممثلة اللبنانية بـ"المسترجلة"، وقال لها: "ما غلطوا أهلك وقت تبروا منك"، لتعلق حداد عنده وتقول: "شوف الناس يلي بدن منها مصاري بتهرب وبتعملهن بلوك رخيصة".