المطربة ياسمين نيازي تكشف تعرضها لعملية نصب

كشفت المطربة ياسمين نيازي عبر صفحتها الشخصية على موقع التواصل الاجتماعي "فيسبوك" عن تعرضها لعملية نصب، حيث كتبت قائلة: "نصيحة لوجه الله أوعا لو ببلاش تتعاملو مع الناس دي.. بيبوظو الكاوتش وبيبيعو لحام بايظ وتخرج تلاقي الكاوتش نام تاني".

وتابعت: "وتقولهم إزاي يعلو صوتهم ببجاحة وكأنك الغلطان.. وآخرهم فرقعولي الكاوتش واشتريت واحد ع الصبح بنزينة...... حرامية وبيبوظو الكاوتش عشان يعملوا شغل".

ثم نشرت منشوراً آخر يحمل الرد من أحد مسؤولي محطة الوقود التي ذكرتها في منشورها وردت عليه بقولها: "من بعد بوست امبارح بتاع البنزينة.. يا سيدي أنا قادرة أدفع بفضل ربنا.. غيري مش هيكون معاه. المكان ده أيام ما كان مع الجيش واللي شغالين فيه كانوا عساكر والله ما كنت بآمن إني أعمل أي حاجة غير هناك لكن من بعد ما اتباع ولا اتأجر للي هناك دلوقتي وأسلوبهم..... فقول لصاحب المكان اختار ناسك واتقوا الله .."

وتابعت: "متسيبوش حقكم بعد كداااا ومتمشيش من مكان دافع فيه مليم غير وانت واخد حقك وحق فلوسك، أنا مبقبلش عوض من حد بس مبسبش حقي ف نفس الوقت، أنا إمبارح اضطريت أشتري فردتين كاوتش ع الصبح واحدة مكان اللي فرقعوهالي وبوظوهالي والتانية عشان متبقاش العربية معووجة من فردة عالية وفردة واطية".