عبر الفنان يحيى الفخراني عن حزنه الشديد بعد رحيل الفنانة رجاء الجداوي، التي توفيت بعد صراع مع المرض، وقال إن علاقتهما لم تنقطع منذ آخر عمل جمعهما وهو مسلسل "للعدالة وجوه كثيرة".

وأضاف الفخراني، في مداخلة هاتفية لبرنامج "الحكاية" على قناة‎ "mbc ‎مصر" مع الإعلامي عمرو أديب، أن علاقته بمواقع التواصل الاجتماعي ليست قوية، ولكنه سمع بالهجوم والتنمر على الفنانة الراحلة بسبب علاجها على نفقة الدولة، قائلاً: "أنا اتقهرت، لأن مش دي بالذات لا ما تجيش في دي، اللي يعرفها قريب يعرف إنه لا متجيش في دي" مشيرا إلى أنه يعتبر زملائه في الوسط الفني هم أسرته.

تابع الفخراني: "عمري ما كنت أتخيل إن في حد يتنمر على فنان بيحبه، كنت فاهم كده إنه مستحيل، أنا بعيش جواك وبدخل بيتك فازاي تقول عني كده، وساعتها قولت للميس وشادي لو عييت وهتكلف ملايين مش عندي إوعوا تاخدوا من الدولة حاجة، وأنا الحمد لله ميسور وأقدر لكن في فنان تاني هيقول لأ".

الفنان يحيى الفخراني يهاجم المتنمرين برجاء الجداوي#الحكاية#رجاء_الجداوي pic.twitter.com/dLeVu4yE6P

— الحكاية (@Elhekayashow) July 5, 2020

استطرد الفخراني: "كمية المكالمات اللي جاتلي النهاردة تعزيني في رجاء الجداوي من قرايبي أو من نمر ما اعرفهاش ده اللي صلح عندي وحسسني إن الدنيا بخير، ورجاء واصلة عند الناس وبيحبوها زي الأم والأخت والجدة، وكلنا رايحين بس بقى السيرة الطيبة لرجاء الجداوي الله يرحمها ويجعل مثواها الجنة، هي اللي فاضلة".