شيماء سيف تنشر تسجيلاً صوتياً لرجاء الجداوي: "أنا ماشية بنصيحتك"

كانت الفنانة شيماء سيف من أوائل الفنانين الذين حرصوا على حضور جنازة الفنانة الراحلة رجاء الجداوي، لتوديعها إلى مثواها الأخير.

وعبرت شيماء عن حزنها لرحيل رجاء التي وصفتها بأنها والدتها الثانية وصديقتها، وحكت عن ذكرياتها معها.

ونشرت سيف عبر حسابها علي "إنستغرام" تسجيلاً صوتياً لرجاء الجداوي، كانت أرسلته لها الراحلة في وقت سابق لتطمئن عليها، وكتبت معلقة عليه: "كانت صحبتي وحبيبتي وزي أمي ربنا يعلم محبتك فقلبي من أول يوم اتقبلنا وكان تاني عمل ليا كنت صغيرة أول ماشوفتيني ضحكتي وقولتيلي إنتي قلبك أبيض زي أميرة بنتي وبتفكريني بيها وربنا هيكرمك في شغلك وهتفتكري كلامي بس أهم نصيحة هقولهالك هي احترام المواعيد في شغلنا".

تابعت: "ومن يومها وأنا ماشية بنصيحتك وبقينا أعز أصحاب ولما اشتغلنا سوا بعدها فعلاً كانت أحلى أيام كنت بروح اللوكيشن علشانك علشان أفضل معاكي وتحكيلي كل ذكرياتك ويوم فرحي عمري ماهنسي نظرتك ليا وفرحتك بيا كأنك أمي بالظبط".

View this post on Instagram

A post shared by Shimaa Seif (@shimaaseif) on Jul 5, 2020 at 7:02am PDT

أكملت: "زادت فرحتي لما جيتي سكنتي جنبي وبقيتي تصحي الصبح تقوليلي تعالي حالا نفطر سوا وحشاني، انزل جري أجيلك وعمرها ما كانت بترسي على فطار لا ده أنا كنت بمشي من عندك آخر الليل من كتر ماكنتي مابتسبنيش أمشي عشان قعدتنا حلوة وروحك حلوة أنا بحبك أوي وأوعدك عمري ماهنساكي وهفضل أدعيلك لآخر يوم فعمري، ربنا يرضي عنك ويثبتك عند السؤال ويجعل ألمك وخوفك في ميزان حسناتك.. اللهم لقنها حجتها واغفر لها وارحمها...إنا لله وإنا إليه راجعون".