بالفيديو - بعد 10 سنوات معاً.. إنفصال أوكا وأرتيجا والأخير يوضح الأسباب

في مفاجأة كبيرة أعلن مطرب المهرجانات أورتيجا انفصاله عن زميله أوكا بعد عشر سنوات من التعاون.

ونشر أورتيجا عبر الحساب المشترك بينه وبين أوكا على "إنستغرام"، مقطع فيديو ظهر فيه ليوضح بعض الأمور، بعدما تلقى أسئلة كثيرة من جمهورهما عن جود خلافات بينهما تسببت في الانفصال.

وأكد أورتيجا أن هذا الأمر غير صحيح، "نعم انفصلنا لكن لا يوجد أي خلاف"، متمنيا له التوفيق.

وقال: "بخصوص "أوكا وأورتيجا" علشان كل الناس اللي بتقعد تبعت أنتوا ليه مبقتوش مع بعض أنتوا متخانقين، طبعا مفيش أي حاجة من الكلام ده مش عارف أرد أقولكم إيه كل واحد بيسمع حاجة من برا بيجي يقولها، أنا هوضحلكم الصورة لجمهور أوكا وأورتيجا".

View this post on Instagram

A post shared by Oka Wi Ortega | اوكا و اورتيجا (@okawiortega_official) on Jul 11, 2020 at 3:34pm PDT

تابع: "أوكا أخويا وعشرة حياتي وصديق كفاح وشفنا كل حاجة حلوة ووحشه مع بعض فمش هنيجي على آخر الزمن بعد ما نكبر، ونتخانق ونمسك في بعض زي ما الناس بتقول، خالص يا جماعة إحنا كل القصة أن أوكا بقى لوحده وأورتيجا بقى لوحده وأنا بتمناله كل التوفيق في حياته وفي شغله ويبقى أحسن حد في الدنيا وبتمنى لنفسي أنا كمان ربنا يرزقنا احنا الاتنين ويوفقنا".

أضاف، "ودايما أوكا وأورتيجا اسمهم مرتبط ببعض مش علشان شغل علشان إحنا من قبل الشغل في حاجات كتير أوي مع بعض، بتمناله وبتمنالي التوفيق وربنا يرزقنا إحنا الاتنين، وياريت يكون الخبر ميزعلش حد".