تولين البكري تطلب الدعاء وتكشف: "عمل جراحي كاد يودي بحياتي"

فاجأت الفنانة السورية تولين البكري محبيها بطلب الدعاء لها من خلال حسابها الخاص على "فيسبوك" حيث كتبت: "أرجوكم أدعوا لي بالشفاء"، وهو ما أثار حيرة هؤلاء.

وسارعت بعد هذا إلى التوضيح من خلال منشور آخر كتبت فيه: "شكراً لكل محب قلق وسأل وتطمن عليي. شكراً من القلب بس حابة نوّه لشغلتين مهمين. حبايبي أول شي أنا ما معي كورونا حسب علمي لغاية هاللحظة أو يمكن مرت علي شي مرة وما حسيت فيها الله أعلم. فاستغربت من بعض الصفحات اللي كتبت تولين البكري تؤكد إصابتها بالكورونا. غريبة هالثقة بإعلان شيء ما حصل وإن صار وأصبت بالفايروس أكيد ما رح خبي ولا أخجل بالعكس رح أعلن لأن بكون عم فيد غيري من خلال تجربتي وخصوصا أنو هالفايروس رح يصيب نسبة كبيرة اذا ما كانوا الكل بسبب ألف قصة ولكن بنسب متفاوته حسب مناعة الجسم ويا رب ما يجربنا ولايضر مخلوق".

وأضافت: "أما بالنسبة لحقيقة مرضي فأنا تعرضت لعمل جراحي كاد يودي بحياتي وبشكل اسعافي مما أدى لمكوثي بالفراش قريب الشهر ويمكن يكون أخطر من الكورونا اللي عم يتكهنوه البعض من كتر الألم اللي عم بشعر فيه. وآخر شي حابة قول أنو يا جماعة ما بيحس بنعمة الصحة الا اللي بيفقدها وفعلاً مو كلام الصحة نعمة أهم من أي شي تاني لأنو اذا راحت مابتتعوض. ف الله يحمي الكل من أي مرض ويشدكم بتوب العافية. ألف شكر لكل شخص سأل عني وبعتذر اذا ماقدرت رد عالكل لكن بالفعل الوجع كبير. محبتي".