محمد رشاد يفجّر مفاجأة: "طلقت مي حلمي ثلاث مرات"

بعد أزمة انفصاله عن المذيعة مي حلمي، تحدث الفنان محمد رشاد عن علاقته بزوجته السابقة، وأشار إلى بعض التفاصيل، مطالباً المتابعين بإغلاق الموضوع تماماً.

ونشر رشاد عبر حساباته على مواقع التواصل الإجتماعي رسالة قال فيها: "قبل أي شيء بسم الله الرحمن الرحيم.. (الطلاق مرتين فإمساك بمعروف أو تسريح بإحسان).. صدق الله العظيم".. الآية الكريمة دي بتلخص تفاصيل كتير مش هدخل فيها لأنها تخصني، وتخص طرف تاني كان في يوم جزء من حياتي.. وبعد 3 مرات طلاق أكيد ماينفعش نكمل وكأنه محصلش".

وأضاف رشاد من خلال خاصية القصص المصورة الملحقة بحسابه الخاص على "إنستغرام": "أنا قررت أمسح أي بوست أو حاجة تخص موضوع الانفصال احتراماً للطرف الآخر والعشرة اللي بينا لأن بصراحة أغلب التعليقات اللي بشوفها على مدار يومين فيها تجريح أو إساءة أو تجاوز مرضهاش ولا ليا ولا ليها وربنا يوفق الجميع".

وتابع: "أنا بطلب من كل الناس سواء بتحبني أو لا.. بتابعني أو متعرفنيش أصلا.. إنهم يعدو الموضوع كأنه مجاش قدامهم.. لإني مهما شفت من تعليقات سخيفة أو كويسة أو حتى هجوم من حد مش هتكلم عن تفاصيل زواجي بالحلو أو الوحش.. وفالأول والآخر ياريت نراعي أن البنت بتتأثر بالكلمة الوحشة قبل الحلوة ... قضينا أيام منها الحلو.. ومنها اللي مش حلو.. وكل شيء نصيب وقدر من ربنا وبتمنى كل الخير والسعادة للناس ولإنسانة طيبة وليها مكانة في قلبي والنصيب والعشرة انتهت لحد هنا.. وده هيكون آخر حاجة ممكن أقولها بخصوص الموضوع ده".

واختتم رشاد كلامه موضحاً: "أتمنى تقروا وتفهموا الكلام كويس وتنفذوه من فضلكم.. كل شيء نصيب والكلمة الطيبة قدرها كبير عند الله وفي قلوب الناس".

شارك