بالصورة – عمر كمال يكشف مهنته قبل الشهرة والثراء برسالة مؤثرة

كشف المطرب الشعبي المصري عمر كمال المهنة التي كان يمارسها قبل دخوله مجال الفن، وذلك من خلال صورة نشرها على حسابه في تطبيق الصور والفيديوهات "إنستغرام" وظهر فيها وهو يعمل في محطة للمحروقات مرتدياً الملابس المناسبة لذلك.

وأرفق الصورة بأخرى حديثة له بدا فيها وهو يقف أمام سيارته الفاخرة. ولفت الأنظار بتعليقه حيث أشار إلى أنه لا يشعر بالخجل من أي عمل قام به قبل الشهرة، وأنه بذل الكثير من الجهود من أجل تحقيق أهدافه.

وفي هذا السياق كتب: "مفيش حاجة بتيجي بالساهل. هتقعد تقول أحط الشهادة فين وبص مين معاه وبص مين جاب أيه هتقف مكانك ومش هتتحرك. الدنيا والأيام بتجري ولو ملكش قلب تسعى وتجازف وتجرب الدنيا هتفرمك وهتبقى زي الكتير اللي تايهين فيها. اتعلمت وأخدت شهادة؟ أنا بردو اتعلمت وأخدت شهادة. طلعت مش لاقي شغل. أنا بردو طلعت مش لاقي شغل. أهلك صرفوا دم قلبهم عليك. أنا بردو زيك".

وأضاف: "بس أنا مقعدتش اشتكي حالي وأقول حال البلد وأقول كأني وماني؟ نزلت اشتغل بأيدى وقولت حب ما تعمل حتى تعمل ما تحب. اشتغلت كل حاجة، جريت في كل السكك اللي ممكن توصلني للنجاح. بتعامل وبوصل لكل الناس اللي ممكن اشتغل معاهم ويضيفوا ليا. بشغل دماغي وبتعلم وبحاول أفهم الدنيا والسوق رايحين فين وأعمل اللي يعجب الناس. قول الحمد لله ولو لقيت غيرك في نعمة قول ربنا يزيده ويديني". وأبدى أكثر من 87 ألف متابع إعجابهم برسالته.

"لها" تكشف حقيقة تراجع نقابة الموسيقيين عن إيقاف عمر كمال