تامر حسني ومحمود العسيلي يكشفان حلم الطفولة الذي تحقّق

أعلن الفنانان تامر حسني ومحمود العسيلي تقديمهما دويتو غنائياً سيحمل اسم "اختراع"، الأمر الذي دفع النجمين للتعليق على مشاركتهما معاً لأول مرة في الغناء بما كشف عن تحقيقهما حلماً لطالما راودهما، إذ أكد النجمان أنهما كانا زميلَي دراسة في الطفولة.

في البداية، نشر العسيلي على حسابه الرسمي في "إنستغرام" صورة البوستر الخاص بالأغنية بينه وبين تامر وعلّق عليها كاتباً: "هحكي قصة محدش يعرفها خالص، حتى تامر مكانش مجمع إن الشخص دا أنا لحد ما فكرته ومات مالضحك، كنا في مدرسة واحدة أنا وتامر وأنا كنت في سنة خامسة ابتدائي وتامر كان التلميذ اللي

مسؤول عن عروض حفلات التخرج وكان هيغني ويعمل عرض استعراضي كبير وجابوله ٤ أصوات عشان يختار منهم حد يغني معاه بس كنا بنغني انجليزي واخترني أنا عشان أشارك في العرض وكنت فرحان أوي، الفكرة من الموقف ان تامر نفس الشخص ونفس القلب اللي قابلته من أيام المدرسة لحد دلوقتي وعايز أقوله إني أنا برضه فرحان نفس الفرحة ومتشرف باختيارك ليا لمشاركتك الأغنيه العسل دي وإحنا كبار ومحققين أحلامنا بالمناسبة انت بجد مخرج جامد يا تيمو يارب الأغنيه تعجبكم. اختراع".

وعقّب تامر على كلام العسيلي كاتباً على حسابه الخاص في "إنستغرام": "حبيبي يا صديق العمر يا فنان يا كبير أنا اللي فرحان بنجاحك الكبير وفخور أننا بعد العمر دا كله نتجمع محققين أحلام الطفولة ربنا يوفقك يا صاحبي".

ومن المقرر أن يتم عرض الدويتو في شكل فيديو كليب، اليوم الجمعة‬، وهو من إخراج تامر حسني، كلمات أحمد راؤول، وألحان أحمد زعيم.