نشر الفنان سعد الصغير على حسابه الخاص في "إنستغرام" مقطع فيديو ينتقد من خلاله ما كتبه السيناريست مدحت العدل عنه، عقب هزيمة نادي الزمالك أمام فريق المقاولون العرب.

ووصف الصغير ما قاله العدل بأنه كلام سيئ صادر من شخص مثقف، وسيناريست يتعلّم الجميع من فنه، مستنكراً عبارات التنمّر التي ذكرها في حقه في تدوينته المثيرة للجدل، قائلاً: "لو راجل غلبان بيقول الكلام ده هنقول مش فاهم، لكن أنت راجل فاهم.. أنت عارف يا دكتور بحبك يا حمار اتقالت في سياق فيلم، لما تطلع وتعايرنا بيها يبقى إيه ده؟".

وتابع: "طب عارف إن شادية وشكوكو غنوا للحمار، أنت بتعمل تنمر وأنت دكتور، واللي أبوه علمه أحسن من اللي معاه شهادة، شوف بتتكلم عني إزاي، لكن أنا أبويا فلاح علمني متنمرش على حد، وأصلا أنت متعرفش حاجة في الكورة، لأنك مبتلعبش، لو فريقك مغلوب متعرفش تطلع تحلل وتقول مين اللي لعب وحش".

وأضاف: "لو بتعايرني يبقى أنت مش دكتور، نص فرقة الزمالك أنا اللي عاملهم فرحهم وبيحبوني موت لأني عمري ما أغلط فيهم، أنا دبلوم صنايع مبعرفش أقرأ بس أبويا علمني، وأنت اتعلمت بالورقة والقلم، حاول تتعلم من الكلام".

من ناحيته، قدّم الدكتور مدحت العدل اعتذاراً شديداً الى الفنان سعد الصغير بعد ذكره فى تغريدته على حسابه في "تويتر"، والتي اتّهم فيها جماهير نادي الأهلي مدحت العدل بالتنمّر الواضح.

وقال العدل "إن تغريدتي جاءت عقب قيام شخص ما في قناة الأهلي بذكر جمهور الزمالك بوصفه بفاوست، وهو الرجل الذي باع نفسه للشيطان حسبما ذكر بأسطورة غوته، فرد آخر من الأهلاوية "هما دول هيعرفوا يعني إيه فاوست".

وكان مدحت العدل قد كتب عبر حسابه في "تويتر" تغريدة سخر فيها من الفنان سعد الصغير، جاء فيها: "الجمهور اللي منه نجيب محفوظ وأحمد زويل ومجدي يعقوب ومثقفي وفناني مصر مش حيعرفوا فاوست، وصاحب أغنية (بحبك يا حمار) سعد الصغير مشجع أحد الأندية العربية حيعرفه.. يا أمة ضحكت من جهلها الأمم".