ردّت الفنانة منة فضالي على تعليقات عدد من متابعيها، حول كثرة سفرها الى بعض الأماكن الساحلية، وكتبت عبر حسابها الخاص في "فيسبوك" مبديةً استياءها من ذلك بالقول: "فيه ناس بعتالي تقولي ما إنتِ بتسافري أهو ولا همك اللي بيحصل، أحب أقولك إن الصورة دي الصيف اللي فات وأنا ماتحركتش من بيتي أبدا وحتى لو سافرت هو حرام يعني اللي بيسافر بيكون وحش ولا في دماغه ما يمكن مسافر لأنه مخنوق أو هربان من هم أو أي سبب".

وأضافت: "ليه كده وليه أنا بالذات اللي بتعملوا معايا كده محدش يعلم أنا فيا إيه ممكن أتصور وأنزل صور وأنا مش سعيدة، مش لازم نحكم على الناس ربنا وحده هو اللي يعلم بحالي".

وتابعت: "أنا بعدت عن كل حاجة، عن الناس لأني زهقت بجد، أرجوكم بلاش كده وشكرا للي حيفهم كلامي صح لأن أغلبكم بيقولي إنتِ تنكة، وأنا لا تنكة ولا زفت، واللي مضايق مني ممكن يشيل نفسه من عندي عادي جدا بمنتهى الأدب، أشكركم".

يُذكر أن منة تنتظر عرض فيلم "زنزانة 7" من بطولة نضال الشافعي، أحمد زاهر، مايا نصري، إيهاب فهمي، مدحت تيخا، أحمد تهامي، ومحمد رضا، وهو من تأليف حسام موسى وإخراج إبرام نشأت.