كشف الفنان الشاب علي الطيب آخر تطورات حالته الصحية، بعدما خضع أخيراً لثلاث عمليات جراحية نتيجة إصابته بقطع في الرباط الصليبي عام 2019... ونشر علي مقطع فيديو من داخل صالة الجيم، عبر حسابه الشخصي في "إنستغرام" وأرفقه بهذا التعليق: "عدّت سنة على العملية، وفات الكثير من العلاج والتأهيل وباقي القليل.. دعواتكم".

كما كشف عن تفاصيل مرضه والمراحل التي مر بها، فنشر صورة مع طبيبه المعالج وعلّق عليها بالقول: "د/ أحمد رزق اسم على مسمى لأنه فعلا رزق جميل من ربنا ليه.. لأنه وقت الإصابة لفيت لفة كبيرة واللي يقولي لازم تعمل عمليه الصبح واللي يشخصني من غير إشاعة رنين وبرضه يقولي عمليه في أسرع وقت.. لحد ما ربنا كرمني بإني أصبر ورجلي الورم والتيبس يهدى شويه ونعمل الرنين ونتطمن بعد ما كشفت عند د مجدي عبدالعزيز وحذرني حتى لما أعمل رنين لازم ابدأ علاج طبيعي على الأقل ٣ شهور عشان لو هنحتاج عمليه لازم الرجل تتفرد وتتني وتعدي ال ٩٠ درجة عشان ده مهم قبل العملية، وبالفعل بدأت علاج طبيعي وعملت الرنين ووقتها كنت بتطمن على صديقي سعد سمير بعد عمليته وهو في ألمانيا وعرفته حالتي ورشحلي ٤ دكاترة متخصصين في الرباط الصليبي والإصابات الرياضية كان من ضمنهم د أحمد رزق وأخدت ميعاد وروحتله العيادة وبكل أمانة قاللي كل اللي د مجدي عبدالعزيز قاله صح وسواء هتعملها معاه أو مع أي دكتور لازم نكمل علاج طبيعي لغاية ما رجلك تكون جاهزه للعمليه عشان تسهل عليك فترة التأهيل والعلاج بعد العملية".

وأضاف: "بصراحه أنا كنت متردد إني أكتب البوست ده بس في نفس الوقت حسيت إن ده أقل كلام يتقال في حقه وبشكرك على أمانتك وضميرك في مهنتك وأسلوبك المحترم ربنا يبارك لك ويكرمك دايما ويكتب لك في كل خطوه نجاح وخير كبير. شكرا د/أحمد رزق، وشكرا د/ أحمد حسين الدكتور المساعد.. كل التقدير والاحترام".

يُشار إلى أن علي الطيب شارك في الموسم الرمضاني 2020 بمسلسل "ونسني"، من بطولة أحمد سلطان، وحازم إيهاب، ومحمود الليثي، وسارة درزاوي، وبسنت شوقي، مع ظهور خاص للفنانة حنان سليمان، والفنان سامي مغاوري، والمسلسل من إنتاج حسن عسيري، سيناريو وحوار تامر فرج، وإخراج رامي رزق الله.