جمال يوسف يبكي على الهواء: "هقاوم السرطان علشان خاطر ولادي"

لم يتمكن الفنان جمال يوسف من منع نفسه من البكاء على الهواء، حين تحدّث عن تفاصيل إصابته بسرطان البلعوم وتطورات حالته الصحية، خلال استضافته في برنامج "صباح البلد"، حيث أكد يوسف أنه علم بإصابته بعدما شعر بأوجاع في الغدة اللمفاوية وأجرى الفحوص اللازمة، وبدأ بعدها بجلسات العلاج الكيماوي والإشعاعي، قائلاً: "لقيت أحمد ابني دخل عليا الأوضة وأنا نايم وقولتله مش عاوز أتعالج، قالي أرجوك أنا عاوزك تتعالج وتقوم، أنا حاسس إن ضهري اتكسر من غيرك.. لما ابني قالي الجملة دي أنا إتكسرت وبقيت بقول يارب، ومراتي قامت الصبح على أساس إني مش هروح الإشعاع وقولتلها لا أنا هروح، أنا عاوز أربي ولادي".

وأضاف باكياً: "الدكتور قالي وقف جلسات الإشعاع رفضت وقولتله إني هكمل، وبالفعل كملت الـ35 جلسة وتعبت، ولساني إتحرق ورقبتي كلها، مكنتش بعرف آكل أو أشرب وقعدت فترة كبيرة معتمد على المحاليل، وقولت هقاوم علشان خاطر ولادي".

واختتم يوسف بالقول: "قلت إني هقاوم، والفترة اللي فاتت تعبت جدا بعد العلاج، ومفيش أي تحسن وعدى نحو 3 أسابيع ومش عارف آكل أو أتكلم ولما بتكلم بتهته لدرجة إن مراتي جابتلي جرس بجوار السرير علشان لما أعوز مياه أو أدخل الحمام، لأن كانت عندي قرح فراش تعبتني زيادة وجابتلي يأس زيادة".

شارك