نشر الفنان اللبناني يورغو شلهوب، على حسابه الخاص في تطبيق الصور والفيديوهات "إنستغرام"، صوراً جمعت أولاده الأربعة قبل وأثناء توجّههم إلى الطائرة ودخولهم إليها، وتبيّن من خلالها أنه يودّعهم قبل أن يغادروا لبنان.

وأرفق يورغو الصور بتعليق مؤثّر لفت أنظار عدد كبير من المتابعين، ومما جاء فيه: "باي باي يا حلوين. راحوا الحلوين و بقوا القبيحين، المجرمين والسفاحين اللي قتلوا ولاد بعمركن وشباب وصبايا كلن متلكن وكلن حلوين و دبحوا أهلن وعم بموتوهن كل يوم مية موتي هني وعايشين".

وأضاف: "راحوا الحلوين وبقوا الدجالين اللي بعد ما شبعوا دم وقهر وعذاب وبعدن عم يتناهشوا المناصب متل الحيوانات المفترسة وعم يرقصوا على جثث الميتين. راحوا الحلوين وبقيت الغصة والدمعة محبوسين وهني بعدن فلتانين".

واختتم بالقول: "راحوا الحلوين بس رح يبقوا عطول حلوين وعليهن وعلى وجوهن نعمة الله والملائكة والقديسين. بقوا النجسين وباقية على مدى الأزمان عليهن وعلى روحن لعنة الله والأنبياء والشياطين. مني ومن أولادي لروح اللي راحوا ولكل الموجوعين". وتعاطف معه الكثيرون، خصوصاً في أوساط اللبنانيين الذين عبّروا عن وجعهم بسبب الظروف الصعبة التي يعيشها بلدهم.